უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
კომენტარი
რა უჭირთ კომერციულ ბანკებს, რომ თქვენ არ წაეშველოთ საკრედიტო რესურსების ფორმირების პროცესში? - რომან გოცირიძე
“იღებთ თუ არა პასუხისმგებლობას ლარის გაუფასურებაზე, ვინაიდან თქვენ გაეცით 500 მლნ. ლარის ოდენობის სესხი 5 ივლისიდან მოყოლებული კომერციულ ბანკებზე?“,-ასე მიმართა ფრაქცია „ნაციონალური მოძრაობის“ წარმომადგენელმა, პარლამენტარმა რომან გოცირიძემ ფინანსთა მინისტრ დიმიტრი ქუმსიშვილს.
გოცირიძის თქმით, „რა უჭირთ ასეთი კომერციულ ბანკებს, რომ თქვენ არ გაიღოთ მოწყალება და მათ არ წაეშველოთ საკრედიტო რესურსების ფორმირების პროცესში?“
„იმოქმედა თუ არა ამან ლარის გაუფასურებაზე?! როდესაც ლარი უფასურდებოდა, რატომ გაეცით სამშაბათს 50 მლნ. ლარი დამატებითი სესხი კომერციულ ბანკებზე?! ეს ფული რომ დაებრუნებინათ ბანკებს, მათ მოუწევდათ ფულის გაყიდვა და ლარზე ზეწოლა აღარ იქნებოდა. რა არის თქვენთვის პრიორიტეტი? ფასების სტაბილურობა, თუ რაღაც მოჩვენებითი ეკონომიკური ზრდა.
ასევე თქვენ აღნიშნეთ, რომ მოახდენთ პენსიების ინდექსიზაციას და პენსია გაიზრდება, 20 ლარით. ეს არის 11%. ეს არ არის ინდექსაცია, ლარის მიმდინარე და შარშანდელი გაუფასურება იმაზე მეტია, ვიდრე 11%. ხოლო, პენიონერების სეგმენტზე გაუფასურების ხარისხი აბსოლუტურად სხვა არის, მხოლოდ მედიკამენტები 10%-ით გაიზარდა და მათ აბსოლუტურად სხვა სამომხმარებლო კალათა აქვთ, ვიდრე ზოგადად ითვლიან ინფლაციას. ფაქტობრივად, თქვენ პენსიონერები გაწირეთ.
თქვენ ასევე ხარჯავთ ფულს ძველებურად არათანმიმდევრულად. დარჩენილ ორ თვეში თქვენ უნდა დახარჯოთ ბიუჯეტიდან 2,3 მლრდ. ლარი. იძლევით თუ არა იმის გარანტიას, რომ ის 400 მილიონიანი გარღვევა, რომელიც თქვენ გქონდათ, და რომლის გახარჯვასაც თქვენ აპირებთ ამ ბოლო ორ თვეში, არ იქნება ლარის გაუფასურების დამატებითი ფაქტორი და არ განმეორდება ის, რაც ბიუჯეტის დამტკიცებისას შარშან ვიხილეთ, როცა დეკემბრის ბოლოს ლარი საშინლად დაეცა?!“,- მიმართა ქუმსიშვილს რომან გოცირიძემ.
მონიკა დავლიანიძე