საზოგადოება

რატომ ღირს წამლები თურქეთში უფრო იაფი ვიდრე საქართველოში? - დავით სერგეენკოს განმარტება

შრომის, ჯანმრთელობისა და სოციალური დაცვის მინისტრმა, დავით სერგეენკომ ის მიზეზები განმარტა, რატომ ღირს მედიკამენტები თურქეთში უფრო იაფი, ვიდრე საქართველოში.

მინისტრის თქმით, თურქეთში მოქმედებს ჯანდაცვის სფეროში 2004 წელს გატარებული რეფორმა. ასევე ქვეყანას აქვს მედიკამენტების საკუთარი წარმოება, რაც ბაზარზე ფასს განსაზღვრავს.

„როცა ჩვენ 2007-2010 წლებში ძალიან მარტივად მივიღეთ პრივატიზაციის გადაწყვეტილება, თურქეთი, ჩვენგან განსხვავებით, ჭკვიანურად მოიქცა. მან მძლავრი სახელმწიფო საპირწონეები დატოვა როგორც კლინიკებში, ასევე ფარმაწარმოებაში.

მეორე ისაა, რომ თურქეთი მოსახლეობის მხრივ საკმაოდ დიდ ბაზარს წარმოადგენს და სახელმწიფოს მძლავრი ჩართულობის გამო თურქეთს საერთაშორისო მწარმოებლებთან აქვს მოლაპრაკება, რომ მათ გააკეთონ წარმოების ლოკალიზაცია, ანუ სხვა ქვეყნების დიდმა ფარმაკომპანიებმა აწარმოონ თურქეთში და ეს ხარჯებს მნიშვნელოვნად ამცირებს.

მესამე ისაა, რომ თურქეთმა რამდენიმე წლის წინ მოახერხა რეგიონის კონსოლიდირებულ შესყიდვაში ჩართვა, როდესაც რამდენიმე ქვეყანა ერთობლივად ყიდულობს ერთსა და იმავე წამალს და ესეცაა ფასდაკლების ბერკეტი“, - თქვა სერგეენკომ.