უკან
უახლესი ამბები
არქივი
პოლიტიკა
17 აგვისტო, 2018 11:05
რაც შეეხება სალომე ზურაბიშვილის მხარდაჭერას, ჩვენმა პოლიტიკურმა გუნდმა აიღო რამდენიმე კვირიანი პაუზა - მამუკა ბახტაძე
ჩვენმა გუნდმა აიღო რამდენიმეკვირიანი პაუზა და ვაკვირდებით მოვლენებს, - განაცხადა პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე იმ კითხვის საპასუხოდ, დაუჭერს თუ არა მხარს მმართველი გუნდი საპრეზიდენტო არჩევნებზე სალომე ზურაბიშვილის კანდიდატურას.
პრემიერის თქმით, მმართველი გუნდი აკვირდება იმასაც, თუ რომელი კანდიდატები დარეგისტრირდებიან და ამის შემდგომ მიიღებს გადაწყვეტილებას.
„რაც შეეხება სალომე ზურაბიშვილის მხარდაჭერას, ჩვენმა პოლიტიკურმა გუნდმა აიღო რამდენიმე კვირიანი პაუზა. ჩვენ ვაკვირდებით მოვლენებს, ამავე დროს ვაკვირდებით იმასაც, თუ რომელი კანდიდატი დარეგისტრირდება და მონაწილეობის სურვილს გამოთქვამს. ამის შემდგომ მივიღებთ გადაწყვეტილებას,“ - აღნიშნა მამუკა ბახტაძემ.