პოლიტიკა

რესპუბლიკელები ნარკოდანაშაულისთვის მსჯავრდებული პატიმრებისთვის ამნისტიას მოითხოვენ

დღეს „რესპუბლიკური პარტია“ პარლამენტში კანონპროექტს დაარეგისტრირებს, რომლის მიხედვით, მათ ნარკოდანაშაულისთვის მსჯავრდებული ყველა პატიმრისთვის ამნისტიას მოითხოვენ. რაც შეეხება ნარკოტიკების გამსაღებლებს, კანონის თანახმად, მათ სასჯელი ერთი-მესამედით უნდა შეუმცირდეთ.

როგორც რესპუბლიკელების წევრმა, თამარ კორძაიამ განაცხადა, ხშირად სამართალდამცავი ორგანოები ნარკოდანაშაულთან ბრძოლის საბაბით ადამიანების უფლებებს ლახავენ.

„სისხლის სამართლის კოდექსით გათვალისწინებული ნარკოტიკული დანაშაულის ნორმების სიმკაცრე წლების განმავლობაში ცხადყოფდა სახელმწიფოს მხრიდან აღიარებულ ომს ნარკოტიკების წინააღმდეგ, რაც გადაიზარდა ადამიანის უფლებების სრულ უგულვებელყოფასა და ადამიანების წინააღმდეგ ომში“, - განაცხადა თამარ კორძაიამ.

ანა მებურიშვილი