მსოფლიო

რესპუბლიკური პარტიის 37% მხარს კგბ-ს ყოფილ თანამშრომელს პუტინს უჭერს - ბარაქ ობამა

ამერიკის პრეზიდენტმა ბარაქ ობამამ წლის შემაჯამებელი პრესკონფერენცია გამართა და ქვეყნის საპრეზიდენტო არჩევნების შედეგზე ისაუბრა.

ობამა მიიჩნევს, რომ ქვეყნის პოლიტიკურმა პოლარიზაციამ სხვა ქვეყნებს მაქინაციების შესაძლებლობა მისცა, რამაც არჩევნების შედეგზე იქონია გავლენა.

„რესპუბლიკური პარტიის 37% მხარს პუტინს უჭერს. კგბ-ს ყოფილ აგენტს. რონალდ რეიგანი საფლავში გადატრიალდებოდა, ეს რომ გაეგო“,-აღნიშნა ამერიკის ლიდერმა.

ბარაქ ობამამ, რამდენიმე დღის წინ, ქვეყნის სადაზვერვო უწყებებს რიგი კონგრესმენის თხოვნის საფუძველზე, დაავალა წინასაარჩევნო პერიოდში დემოკრატიული პარტიის სერვერებზე განხორციელებული კიბერშეტევების შესაბეხ ინფორმაცია გამოექვენყებინათ.

ცნობილია, რომ დემოკრატიული პარტია და თავად ბარაქ ობამა, კიბერშევეტებზე პასუხისმგებლობას რუსეთს აკისრებს.

სადაზვერვო უწყება მომხდარის მოხსენებას 20 იანვარს წარადგენს, მაშინ როდესაც ამერიკის 45-ე პრეზიდენტის, დონალდ ტრამპის ინაუგურაცია შედგება.

მონიკა დავლიანიძე