რეგიონები

რუისპირის მოსახლეობა საძოვრების დაბრუნებას მოითხოვს

თელავის მუნიციპალიტეტის სოფელ რუისპირის მოსახლეობამ სოფლის ნაკვეთების ინვესტორზე გასხვისება გააპროტესტა და საძოვრების დაბრუნება მოითხოვა.

აქციის მონაწილეთა თქმით, წინა წელს ხელისუფლებამ საძოვრები აუქციონის გამოცხადების გარეშე, ფარულად გაყიდა.

აქციის მონაწილეთა ინფორმაციით, აღნიშნულ ტერიტორიაზე სასტუმროების აშენება იგეგმება.

ადგილობრივების თქმით, მათ სასამართლოს მიმართეს, რათა საბოლოო გადაწყვეტილების გამოცხადებამდე ინვესტორისთვის სამშენებლო სამუშაოების წარმოება შეუჩეროს.

რუისპირის მოსახლეობის განცხადებით, ის სოფლის საძოვრების ინვესტორისთვის დათმობას არ აპირებს და სამართლებრივი გზის გარდა საპროტესტო აქციების გაგრძელებას არ გამორიცხავს.