უკან

უახლესი ამბები

დღის კალენდარი

ანონსები

არქივი

კომენტარი

22 ივლისი, 2017 16:05
font-size

რუსები გვეუბნებიან – არ ჩამოხვალთ, არ დაგველაპარაკებით? მაშინ ჩვენ მოვალთ, ოღონდ ნელ-ნელა და თანაც მავთულხლართებითო - გელა ზედელაშვილი

გაზეთ "ალიას" ჟურნალისტი გელა ზედელაშვილი წერს, რომ მოსკოვში ჩასვლასა და რუსეთთან მოლაპარაკების დაწყებას ალტერნატივა არა აქვს.

მისი მოსაზრებით, წინააღმდეგ შემთხვევაში, რუსები ნელ-ნელა და მავთულხლართებით, თბილისში მოვლენ.

"...მოდით, ამჯერად დავიჯეროთ, რომ დონალდ ტრამპმა მართლაც შეცვალა მსოფლიო პოლიტიკური სინამდვილე და ჩავთვალოთ, მოგვცეს უფლება, რაღაც საკითხები ჩვენ თვითონ გადავწყვიტოთ. მართალია, ე.წ. ოპოზიციას არ აწყობს, ე.წ. პატრიოტები, ანუ „ნაციონალები“ ძალიან ღიზიანდებიან, როცა რუსეთთან დალაპარაკებაზე ჩამოვარდება ხოლმე სიტყვა, მაგრამ სხვა გზა დაგვრჩა კი? მე მგონი, არა!

მოდით, ვთქვათ სიმართლე, რაც უფრო გამწვავდება რუსეთთან ურთიერთობა, რაც უფრო სიღრმეში გადმოსწევენ მავთულხლართებს, რაც უფრო მეტი აგრესია წამოვა კრემლიდან, მით მეტი ხეირი ექნებათ გაბოროტებულ „ნაციონალებს“. საკმარისია, სახელისუფლებო წრეებიდან ვინმემ თქვას, რუსეთიდან უფრო მეტი აგრესიაა მოსალოდნელიო, ჩასაფრებული ე.წ. პატრიოტები ნიშნისმოგებით ყვირიან: აბა, რა გეგონათ?!

ქართველ ხალხს არაფერი არ ეგონა, ქართველმა ხალხმა საკუთარი თვალით ნახა, როგორ გაყიდა საქართველო 2008-ში სააკაშვილის ხროვამ. ქართველმა ხალხმა ასევე ნახა, როგორ გაიქცნენ ისინი წითელი ხიდისკენ და შემდეგ მობრუნებულებმა ომის დამთავრებისთანავე, როგორ გადასცეს სტრატეგიული ობიექტები რუსებს. ამაზე არაერთხელ დავწერე და აღარ მსურს გამეორება!

მე ვეკითხები ყველას: ჩვენ რაიმე ბერკეტი დაგვრჩა კრემლთან დალაპარაკების გარდა? „ნაციონალებსა“ და მათთან გათანაბრებულ პირებს აქვთ მხოლოდ ორი ე.წ. არგუმენტი: პირველი – ჩვენ უნდა გავაძლიეროთ თანამშრომლობა საერთაშორისო თანამეგობრობასთან; მეორე – აზრი არ აქვს რუსებთან დალაპარაკებას, შედეგი მაინც არ იქნება. პირველი ვცადეთ… კი, ბატონო, შედეგი დღემდე ვერ მივიღეთ, მაგრამ საერთაშორისო თანამეგობრობასთან რომ ვითანამშრომლოთ, ეს ხელს არ უშლის კრემლთან დალაპარაკებას.

ძალიან კარგია, რომ მოგვცეს ვიზალიბერალიზაცია და მივილტვით ევროკავშირისკენ, ასევე ნატოსკენ, მაგრამ ჩვენ რუსეთთან დაკავშირებით სრულიად ამოვარდნილი ვართ საერთო კავკასიური პოლიტიკიდან და ამიტომაც ვართ ამ დღეში. რაც უფრო მეტი დრო გადის, მით მეტად ვშორდებით დაკარგულ ტერიტორიებს. ნურავინ შემედავება, დრო ჩვენს წინააღმდეგ მუშაობს. ყველაფერს რომ თავი დავანებოთ, საქართველოში (ვგულისხმობ აფხაზეთსაც და ცხინვალსაც) იზრდებიან თაობები, რომელთა ცნობიერებაში უკვე იშლება დაკარგული ტერიტორიების ტკივილი.

სოხუმსა და ცხინვალში იზრდებიან გოგო-ბიჭები, რომელთაც ძვალსა და რბილში აქვთ გამჯდარი ქართველების სიძულვილი – ასე ასწავლიან და ამიტომ. სამაგიეროდ, დანარჩენ საქართველოში ასწავლიან რუსების სიძულვილს. სამწუხაროდ, ამ შემთხვევაში აღარ ანსხვავებენ პოლიტიკურ წრეებს, შოვინისტურ პოლიტიკას და ჩვეულებრივ მოსახლეობას!

დღეს საქართველო ორადაა გაყოფილი. საკმარისია, ვინმემ თქვას, მტერთანაც უნდა ვილაპარაკოთო, რომ ეგრევე ნათლავენ მოღალატედ და კრემლის აგენტად. არადა, ამ თემაზე სპეციალურად მუშაობენ მართლა მოღალატეები.

რას გვაძლევს გაბუტვა? არაფერს, პირიქით, უფრო მეტად ვზარალდებით. ვაღიაროთ, რუსები გვეუბნებიან – არ ჩამოხვალთ, არ დაგველაპარაკებით? მაშინ ჩვენ მოვალთ, ოღონდ ნელ-ნელა და თანაც მავთულხლართებითო. ჰოდა, ავირჩიოთ, რომელი უკეთესია, მათი მოსვლა თუ ჩვენი ჩასვლა?!", - წერს ზედელაშვილი.

ტელევიზიებში კი არა, სამინისტროებშია დროებითი მმართველები შესაყვანი - დავით ჭიჭინაძე

10 ივლისი, 2020 , 12:15

ბარემ ჩაგვსვან კოლბაში და გვაცხოვრონ იმ ვირტუალურ სამყაროში, როგორიც თავად წარმოუდგენიათ. ტელევიზიებში კი არა, სამინისტროებშია დროებითი მმართველები შესაყვანი!- ასე აფასებს პოლიტიკური მოძრაობა „ტრიბუნას“ ლიდერ

გიორგი გახარია შაქარაშვილის საქმეზე - სპეკულირება, ტრაგედიის გამოყენება პოლიტიკური მიზნებით, არის კატეგორიულად მიუღებელი

10 ივლისი, 2020 , 12:15

ის, რაც ხდება - სპეკულირება, ტრაგედიის გამოყენება პოლიტიკური მიზნებით, ეს არის კატეგორიულად მიუღებელი, ამორალურია ეს ყველაფერი, ყველანაირი ფასეულობის მიღმა, - ამის შესახებ საქართველოს პრემიერ-მინისტრმა გიორგი გახარიამ, შ

სალომე ზურაბიშვილი თორნიკე შენგელიაზე: ჩემთვის სამწუხაროა და როგორც პრეზიდენტისთვის მიუღებელია, საქართველოს საკალათბურთო ნაკრების კაპიტნის გადაწყვეტილება მოსკოვის “ცსკა“-ში გადასვლასთან დაკავშირებით

9 ივლისი, 2020 , 17:09

საქართველოს პრეზიდენტი სალომე ზურაბიშვილი კალათბურთის ნაკრების კაპიტნის, თორნიკე შენგელიას მოსკოვის „ცსკა“-ში გადასვლას ეხმაურება. ,,ჩემთვის სამწუხაროა და როგორც საქართველოს პრეზიდენტისთვის მიუღებელია, საქართ

პრემიერები იცვლებიან, პროკურორები მიდიან და ბრუნდებიან, მაგრამ დანაშაულის გამოძიება ყოველთვის იბლოკება - დავით ჭიჭინაძე

9 ივლისი, 2020 , 10:30

როდესაც გამოძიება პროკურორების, გენერალური პროკურორების და მინისტრების დონეზე ფერხდება, ივანიშვილი საქმის კურსში უნდა იყოს, ვინაიდან ამ ტალახს ის შეუთანხმებლად არ აიტანს. ფაქტია, რომ პრემიერები იცვლებიან, პროკურორები მიდ

ოპოზიციის განცხადებების უკან პოლიტიკური მოტივაცია დგას, ამიტომ არ ვაპირებ მათზე კომენტარის გაკეთებას - ირაკლი ჩიქოვანი

8 ივლისი, 2020 , 17:30

ხუთ ქვეყანასთან საზღვრის გახსნა არ არის საბოლოო გადაწყვეტილება. ვითარება ცვალებადია და ამ ვითარებაზე თავად ევროკავშირი მიუთითებს, რომ გადაწყვეტილებები შესაძლოა ორ კვირაში გადაიხედოს, - ამის შესახებ საქართველოს პრემიერ-მი

როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ- გიორგი ვოლსკი

8 ივლისი, 2020 , 16:00

როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ განაცხადა, რომელ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე