უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
პოლიტიკა
რუსეთი დაუსჯელი არ უნდა დარჩეს - არჩილ ტატუნაშვილის ოჯახის ადვოკატი პრესკონფერენციას გამართავს
8 მაისს არჩილ ტატუნაშვილის ოჯახის ადვოკატი თამარ ავალიანი ჰელსინკის კომიტეტის წევრებთან ერთად პრესკონფერენციას გამართავს. პრესკონფერენციაზე ისაუბრებენ ტატუნაშვილის სიცოცხლის ხელყოფის საქმეზე დაწყებულ გამოძიებასა და ექსპერტიზაზე, რომელსაც ლევან სამხარაულის სახელობის სასამართლო ექსპერტიზის ეროვნული ბიურო ატარებს.
ადვოკატის განცხადებით, რუსეთი დაუსჯელი არ უნდა დარჩეს.
„როგორც არჩილ ტატუნაშვილის ოჯახის ადვოკატი, ყველაფერს გავაკეთებ ამ საქმისთვის, ყველა სამართლებრივ მექანიზმს და ფორმატს გამოვიყენებ, რათა რუსეთი დაუსჯელი არ დარჩეს. ამ საქმეზე მნიშვნელოვანი საქმე არასოდეს მიწარმოებია, ასე არასოდეს მტკენია და ასეთი პასუხისმგებლობა არასოდეს განმიცდია. ეს არის ღირსების საქმე, რომელსაც ბოლომდე მივიყვან რამდენი წელიც არ უნდა დამჭირდეს ამისთვის.
რუსეთი ოკუპანტია!“, -დაწერა უფლებადამცველმა ფეისბუკზე.
არჩილ ტატუნაშვილი საქართველოს კიდევ ორ მოქალაქესთან ერთად 22 თებერვალს გაიტაცეს. მომდევნო დღეს ოსური მედიიდან ცნობილი გახდა ტატუნაშვილის დაღუპვის შესახებ. ოჯახს ცხედარი თითქმის ერთი თვის შემდეგ, 20 მარტს ორგანოების გარეშე გადასცეს.
არჩილ ტატუნაშვილის საქმეზე გამოძიება სისხლის სამართლის კოდექსის 108-ე და 143-ე, განზრახ მკვლელობისა და თავისუფლების უკანონოდ აღკვეთის მუხლებით მიმდინარეობს.