უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
პოლიტიკა
რუსეთის სახელმწიფო უწყებებისა და მედიის მიერ გავრცელებული ინფორმაციები ლუგარის ლაბორატორიაზე ყოველგვარ საფუძველსაა მოკლებული - ზურაბ აბაშიძე
პრემიერის სპეციალურმა წარმომადგენელმა ზურაბ აბაშიძემ უსაფუძვლო უწოდა რუსეთის პრეზიდენტის, ვლადიმერ პუტინის განცხადება ლუგარის ლაბორატორიასთან დაკავშირებით. ქართველი დიპლომატის თქმით, ცენტრის საქმიანობა გამჭვირვალეა.
„რუსეთის სახელმწიფო უწყებებისა და მედიის მიერ გავრცელებული ინფორმაციები იმის შესახებ, რომ ამ ცენტრში ტარდება რაღაც დახურული ცდები, ყოველგვარ საფუძველსაა მოკლებული. ნოემბრის შუა რიცხვებში იქ ტარდება საერთაშორისო სემინარი, რომელშიც მონაწილეობას მიიღებენ 20-ზე მეტი ქვეყნის წარმომადგენლები. სამწუხაროდ, რუსეთის მხარემ მიუხედავად მოწვევისა უარი განაცხადა“, -აცხადებს აბაშიძემ.
ჯანდაცვის მინისტრის განცხადებით, ქართული მხარე უახლოეს დღეებში ოფიციალური მისიის ჩამოსვლისა და ცენტრის საქმიანობის შესწავლის შესახებ ჯანდაცვის მსოფლიო ორგანიზაციას მიმართავს.
რუსეთის პრეზიდენტს სოჭში, სადისკუსიო კლუბ „ვალდაიში“ გამოსვლისას განაცხადა, რომ საგანგაშო იქნება, თუკი ქართულ ლაბორატორიაში ბიოლოგიურ იარაღზე მუშაობენ.
„რამდენად სანდოა, ამის განსჯას ჩემს თავზე ვერ ავიღებ. ვნახე საქართველოს სახელმწიფო უსაფრთხოების ყოფილი მინისტრის განცხადება, რაც, რა თქმა უნდა, საგანგაშოა. თუკი ნამდვილად ატარებენ ამ სამუშაოებს, ისინი ძალიან საშიშია და დაკავშირებულია გენეტიკის სფეროს ბოლო მიღწევებთან. რაზე მიდის იქ საუბარი - იმაზე, რომ ხდება პრეპარატების გამოყვანა, რომლებსაც შეუძლიათ შერჩევითად იმოქმედონ ადამიანზე მისი გარკვეული ეთნიკური ჯგუფისადმი მიკუთვნელობის მიხედვით“, -განაცხადა პუტინმა.