საზოგადოება

რუსთავი2-ის საქმე მაღალი ინტერესის საგანია და ამ საკითხით ასევე დაინტერესებულნი არიან ალიანსის მოკავშირეები - უილიამ ლაჰიუ

ნატო-ს სამეკავშირეო ოფისის ხელმძღვანელის ვილიამ ლაჰიუს განცხადებით, იგი ტელეკომპანია რუსთავი2-ის საქმეს თვალ-ყურს ახლოდან ადევნებს.

მისივე თქმით, ტელეკომპანიის პროცესი სამართლებრივად უნდა წარიმართოს.

როგორც ლაჰიუმ საკითხის კომენტირებისას მედიას განუცხადა, ნატო-ს შეუძლია დააკვირდეს პროცესებს და რჩევა გასცეს, თუმცა მას არ შეუძლია სამართლებრივ პროცესებში ჩარევა.

„მედიის თავისუფლება დემოკრატიის უმნიშვნელოვანესი კომპონენტია. მედიის შესაძლებლობა, რომ ილაპარაკოს თავისუფლად, გააცნოს ხელისუფლებასა და საზოგადოებას თავისი დაკვირვება თუ რა ხდება ქვეყანაში -არის ფუნდამენტური ღირებულება დემოკრატიული ხელისუფლებისთვის. რუსთავი2-ის საქმეს თვალ-ყურს ძალიან ახლოს ვადევნებთ და პროცესი სამართლებრივად უნდა წარიმართოს. ეს სუვერენული ერის უფლებაა. ნატო-ს შეუძლია დააკვირდეს და ურჩიოს, მაგრამ არ შეუძლია ჩაერიოს სამართლებრივ საქმეებში და საკუთარი აზრი გამოთქვას. რუსთავი2-ის საქმე მაღალი ინტერესის საგანია და ამ საკითხით ასევე დაინტერესებულნი არიან ალიანსის მოკავშირეები“,-აღნიშნა ლაჰიუმ.

მონიკა დავლიანიძე