საზოგადოება

რუსთავიდან დიდუბისკენ მოძრავი მიკროავტობუსის მძღოლები გაიფიცნენ

რუსთავიდან თბილისში, დიდუბის მიმართულებით მოძრავი მიკროავტობუსის მძღოლები გაიფიცნენ.

გაფიცულთა თქმით, მათ ყოველდღიურად კომპანიას 70 ლარი უნდა გადაუხადონ, რასაც ვერ ახერხებენ. შესაბამისად, ისინი გეგმის 20 ლარით შემცირებას ითხოვენ. მძღოლების განმარტებით, ზაფხულის დადგომასთან ერთად მგზავრთა ნაკადმა იკლო.

გაფიცულები ასევე ითხოვენ დღეს ხაზზე დამატებული 22-ე მანქანის მოხსნასაც.

მძღოლების ინფორმაციით, მიკროავტობუსების უმრავლესობაში კონდიციონერი გაუმართავია, რის შეკეთებასაც საკუთარი სახსრებით ვერ ახერხებენ. კონდიციონერის ჩართვის შემთხვევაში კი, მათი ხარჯი იზრდება.

თავად კომპანია „ინტერტრანსის“ ინფორმაციით, ისინი გაფიცულებთან მოლაპარაკებებს აწარმოებენ.