უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
რუსულ პროპაგანდას, რუსულ ფულს, რუსულ თემას ვუპირისპირდებით ცნობიერების ამაღლებით და არა ანტი-პროპაგანდით - ვიქტორ დოლიძე
18-19 მაისს, კაჭრეთში, სასტუმროში „ამბასადორი“, საქართველო-ევროკავშირის სავიზო რეჟიმის ლიბერალიზაციის საინფორმაციო კამპანიის მეორე ეტაპის ფარგლებში, ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ორგანიზებით და მიგრაციის პოლიტიკის განვითარების საერთაშორისო ცენტრის მხარდაჭერით, აღმოსავლეთ და სამხრეთ საქართველოს ადგილობრივი თვითმმართველობებისა და სახელმწიფო მინისტრის აპარატთან არსებული სტრატეგიული კომუნიკაციის რეგიონული სამუშაო ჯგუფის წარმომადგენლებთან საინფორმაციო შეხვედრა გაიმართა.
„ჩვენი უწყების ერთ-ერთი ყველაზე უმთავრესი მიზანია თითოეულ თანამოქალაქემდე მივიტანოთ ინფორმაცია იმის თაობაზე, თუ რამდენად მნიშვნელოვანია თანამშრომლობა ევროკავშირთან, ნატოსთან. საერთოდ ამ ღირებულებების თაობაზე და იმ სიკეთეების, რომელიც შეიძლება ამ პროცესმა მოგვიტანოს. ჩვენ რუსულ პროპაგანდას, რუსულ ფულს, რუსულ თემას, რომლითაც ისინი იბრძვიან ინტეგრაციული პროცესების წინააღმდეგ, ვუპირისპირდებით სწორედ ცნობიერების ამაღლებით და არა ანტი-პროპაგანდით“, -განაცხადა სახელმწიფო მინისტრმა შეხვედრის დაწყებამდე, რომლის კომენტარსაც ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი ავრცელებს.
შეხვედრის მონაწილეებს მისასალმებელი სიტყვით მიმართა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ. სახელმწიფო მინისტრმა ევროკავშირთან სავიზო რეჟიმის ლიბერალიზაციის შედეგად გაჩენილ შესაძლებლობებსა და მის პოლიტიკურ მნიშვნელობაზე ისაუბრა.
შეხვედრაზე განიხილეს საქართველოს ევროპული და ევროატლანტიკური ინტეგრაციის მიმდინარე საკითხები, მათ შორის, ევროკავშირთან სავიზო რეჟიმის ლიბერალიზაციის საინფორმაციო კამპანიის მიმდინარეობა და ევროკავშირთან უვიზო მიმოსვლის პირობებში საქართველოს მოქალაქეების უფლებები და მოვალეობები. ასევე, სახელმწიფო უწყებების შესაბამისმა დარგობრივმა ექსპერტებმა მონაწილეებს დეტალური ინფორმაცია მიაწოდეს ნატოს საერთაშორისო ოპერაციებში საქართველოს შეიარაღებული ძალების მონაწილეობის მნიშვნელობისა და მიღებული გამოცდილების, საქართველოში სოფლისა და სოფლის მეურნეობის განვითარების ევროპის სამეზობლო პროგრამისა (ENPARD) და მისი პრაქტიკული შედეგების შესახებ.
ინფორმაციისთვის: ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი საქართველო-ევროკავშირის სავიზო რეჟიმის ლიბერალიზაციის საინფორმაციო კამპანიის კოორდინაციას ახორციელებს. ამჟამად, კამპანიის მეორე ეტაპი მიმდინარეობს, რომლის ერთ-ერთი მთავარი კომპონენტი პრიორიტეტული სამიზნე ჯგუფებისათვის ევროკავშირთან უვიზო მიმოსვლასთან დაკავშირებით დეტალური ინფორმაციის მიწოდებაა.