უკან

უახლესი ამბები

დღის კალენდარი

ანონსები

არქივი

პოლიტიკა

21 თებერვალი, 2018 17:10
font-size

საბჭოს მოსამართლე წევრები მიზანმიმართულად უპირისპირდებიან საბჭოს არამოსამართლე წევრებს კრიტიკული მოსაზრების გამო - საია

„ახალგაზრდა იურისტთა ასოციაცია“ გამოეხმაურა იუსტიციის უმაღლეს საბჭოში მის ორ არამოსამართლე წევრზე მიმდინარე „მიზანმიმართულ თავდასხმებს“. ორგანიზაციის შეფასებით, ზეწოლამ პერმანენტული ხასიათი მიიღო და ავლენს განსხვავებული და კრიტიკული აზრის მიუღებლობის ნათელ დემონსტრირებას, რაც სასამართლო სისტემისადმი ნდობას აზიანებს.

საიას თქმით, მოსამართლე წევრებისგან მომდინარე ზეწოლა ხელს უშლის საბჭოში დღის წესრიგში დაყენებული საკითხების შინაარსობრივ განხილვას.

ორგანიზაცია ასევე გამოეხმაურა ანა დოლიძისადმი ბოლოს წაყენებულ ბრალდებებს, რომელიც ეხებოდა არამოსამართლე წევრის თანამშრომლობას ჰოლანდიაში რეგისტრირებულ არასამთავრობო ორგანიზაცია Russian Justice Initiative-თან. მოსამართლე წევრების მტკიცებით, აღნიშნული არასამთავრობო ორგანიზაცია 2008 წლის აგვისტოს ომთან დაკავშირებით საქართველოს დამაკნინებელ მასალას აგროვებდა. მათ ასევე განაცხადეს, რომ RJI-ის საქართველოს სტრასბურგის სასამართლოში უჩივლა. საიას შეფასებით, ამ ბრალდებების მიზანი იყო ანა დოლიძის დისკრედიტირება.

საიამ მოუწოდა საბჭოს მოსამართლე წევრებს, თავი შეიკავონ არაეთიკური და უსაუძვლო ბრალდებებისგან.

„საბჭოს დაკომპლექტების დღევანდელი წესი მიზნად ისახავს როგორც მოსამართლე, ასევე არამოსამართლე წევრების ჩართულობას საბჭოს საქმიანობაში და მიმდინარე საკითხებზე განსხვავებული მოსაზრებების წარდგენის შესაძლებლობას, რამაც უნდა უზრუნველყოს პირადი ინტერესებით მოქმედების თავიდან აცილება. თუმცა, სულ უფრო ხშირად, საბჭოს მოსამართლე წევრები მიზანმიმართულად უპირისპირდებიან საბჭოს ცალკეულ არამოსამართლე წევრებს მათ მიერ გამოთქმული კრიტიკული მოსაზრებების გამო. დაპირისპირება, როგორც წესი, არ ეხება განსახილველ საკითხს, რაც ართულებს და ზოგ შემთხვევაში, შეუძლებელს ხდის მნიშვნელოვანი საკითხების შინაარსობრივ განხილვას.

ამის ნათელ მაგალითს წარმოადგენს ბოლო შემთხვევა, როცა საბჭოს არამოსამართლე წევრი, ანა დოლიძე, საბჭოს მოსამართლე წევრების მხრიდან თავდასხმის ობიექტი გახდა. აღნიშნულ სხდომაზე მოსამართლე წევრის ინიციატივით წარმოდგენილი იყო საკითხი, ცვლილებები შესულიყო სასამართლოებში საქმეთა ავტომატურად, ელექტრონული სისტემის მეშვეობით განაწილების წესში და სასამართლოს თავმჯდომარეების ჩართულობა გარკვეულწილად კვლავ ასახულიყო. მას შემდეგ, რაც ანა დოლიძე განსახილველ საკითხს კრიტიკულად გამოეხმაურა, მას მოსამართლე წევრებმა ჰოლანდიაში რეგისტრირებულ არასამთავრობო ორგანიზაცია - Russian Justice Initiative-თან წარსულში თანამშრომლობა შეახსენეს და ეს წარმოაჩინეს როგორც სამარცხვინო და ქვეყნის ინტერესების საზიანო მოქმედებად. იგივე ბრალდებები კიდევ ერთხელ გაიმეორა საბჭოს მოსამართლე წევრმა, დიმიტრი გვრიტიშვილმა, 20 თებერვალს გადაცემა ,,არჩევანში“.

გვინდა, აღვნიშნოთ, რომ Russian Justice Initiative-ს აქვს თანამშრომლობის მდიდარი გამოცდილება ადამიანის უფლებების დაცვის საკითხებზე მომუშავე არაერთ ავტორიტეტულ ორგანიზაციასთან თუ ექსპერტთან. დასახელებულ ორგანიზაციასთან საია 2008-2012 წლებში თანამშრომლობდა ადამიანის უფლებების დარღვევის საქმეებზე. მათ შორისაა რუსეთის წინააღმდეგ ადამიანის უფლებათა ევროპულ სასამართლოში გაგზავნილი ისეთი მნიშვნელოვანი საქმეები, როგორიცაა ქართველი სამხედრო ტყვეების (ქართველი ჯარისკაცების) წამება და გორის ცენტრალური მოედნის დაბომბვა. RJI-ის წარმომადგენლის მეშვეობით საია-ს 2008 წლის რუსეთ - საქართველოს ომის შემდგომ შესაძლებლობა ჰქონდა, მოეძებნა და კონტაქტი დაემყარებინა ცხინვალის რეგიონში არსებულ დროებით მოთავსების იზოლატორსა თუ ციხეებში დაკავებულ საქართველოს მოქალაქეებთან და დახმარებოდა მათ უფლებების დაცვაში.

მიგვაჩნია, რომ საბჭოს ზოგიერთი მოსამართლე წევრის მხრიდან ადამიანის უფლებების დაცვასთან დაკავშირებით არასამთავრობო ორგანიზაციასთან თანამშრომლობის სამარცხვინო და ქვეყნის ინტერესების საზიანო მოქმედებად წარმოჩენა, საბჭოს კრიტიკული წევრის დისკრედიტაციის მცდელობაა და მიზნად ისახავს მნიშვნელოვანი საკითხების შინაარსობრივი განხილვის თავიდან არიდებას.

მოვუწოდებთ იუსტიციის უმაღლესი საბჭოს მოსამართლე წევრებს, თავი შეიკავონ არაეთიკური და უსაფუძვლო ბრალდებებისაგან და სხდომები საგნობრივი დისკუსიის ფარგლებში წარმართონ“, - წერია საიას განცხადებაში.

ლაშა ჟვანიამ ისრაელის პრეზიდენტს რწმუნებათა სიგელები გადასცა

13 სექტემბერი, 2019 , 16:55

ქალაქ იერუსალიმში, 12 სექტემბერს ისრაელის სახელმწიფოს პრეზიდენტის რეზიდენციაში საქართველოს საგანგებო და სრულუფლებიანი ელჩის, ლაშა ჟვანიას ისრაელის პრეზიდენტისთვის, რუვენ რივლინისთვის რწმუნებათა სიგელების გადაცემის ცერემო

სალომე ზურაბიშვილი ნატო-ს საპარლამენტო ასამბლეის პრეზიდენტს შეხვდა

13 სექტემბერი, 2019 , 15:25

საქართველოს პრეზიდენტი სალომე ზურაბიშვილი ნატო-ს საპარლამენტო ასამბლეის პრეზიდენტს მედლინ მუნის და ნატო-ს საპარლამენტო დელეგაციას შეხვდა. პრეზიდენტის სასახლეში გამართულ შეხვედრაზე მხარეებმა საქართველო-ნატო-ს ურთიერთობები

გუბერნატორების პასუხისმგებლობა სრულად პერსონალიზებული იქნება - გიორგი გახარია

13 სექტემბერი, 2019 , 15:03

რეგიონებში, ჩვენი მოქალაქეებისთვის მთავრობის განსახიერება არის ის ჩინოვნიკი, რომელიც მათ პრობლემებს ან აგვარებს, ან - ვერა და ამ მიმართულებით გუბერნატორების პასუხისმგებლობა სრულად პერსონალიზებული იქნება, - ამის შესახებ ს

გაერთიანებული ოპოზიციის ლიდერები ბერლინში ოფიციალურ შეხვედრებს მართავენ

13 სექტემბერი, 2019 , 14:35

გაერთიანებული ოპოზიციის ლიდერები: გრიგოლ ვაშაძე, გიორგი ვაშაძე და თინა ბოკუჩავა ბერლინში ოფიციალურ შეხვედრებს მართავენ. შეხვედრის ფარგლებში “ძალა ერთობაშიას” ლიდერები გერმანიის ქრისტიან დემოკრატიული კავშირის

შვეიცარიის პრეზიდენტი გიორგი გახარიას: „გთხოვთ ეს მოლოცვის წერილი მიიღოთ ჩემი თქვენდამი უდიდესი პატივისცემის რწმუნებად“

13 სექტემბერი, 2019 , 13:20

შვეიცარიის პრეზიდენტმა ული მაურერმა გიორგი გახარიას პრემიერ-მინისტრის თანამდებობის დაკავება მიულოცა. ამის შესახებ მთავრობის ადმინისტრაცია იტყობინება. მთავრობის ადმინისტრაციის ცნობით, შვეიცარიის პრეზიდენტი მილოცვაში ხაზს

შევუდგეთ მუშაობას. მედია მადლობა - გიორგი გახარია

13 სექტემბერი, 2019 , 12:00

ჩვენი ძირითადი პრინციპები იქნება საქმის დროული, ეფექტიანი კეთება, კეთილსინდისიერება და დისციპლინა, – ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა, რომელიც მისი ხელმძღვანე

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს