უკან
საზოგადოება
12 ოქტომბერი, 2018 10:55
საბერძნეთში გარდაცვლილი 24 წლის სოფო წიკლაური სავარაუდოდ, მოკლულია
ჯერჯერობით დაუზუსტებელი ინფორმაციით, საბერძნეთში გარდაცვლილი 24 წლის სოფო წიკლაური მოკლულია.
ახალგაზრდა ქალი გარდაცვლილი საცხოვრებელ სახლში იპოვეს. ბერძნული საგამოძიებო ორგანოები მომხდარის დეტალებზე არ საუბრობენ.
როგორც საქართველოს საგარეო საქმეთა სამინისტროში აცხადებენ, წიკლაურის გადმოსვენების პროცედურაში ჩართულია ათენში საქართველოს საკონსულო.
„გადმოსვენების პროცედურაში ჩართულია ათენში საქართველოს საკონსულო. ცხედარი გადასვენებულია ბიუროში. გამოძიებას აწარმოებენ საბერძნეთის საგამოძიებო სტრუქტურები. ათენში საქართველოს საკონსულო მუდმივ კონტაქტზეა მათთან“, - აცხადებენ სამინისტროში.