უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
„საერთაშორისო გამჭვირვალობა საქართველო“ ზუგდიდის 94-ე საარჩევნო უბნის შედეგების ბათილად ცნობას ითხოვს
„საერთაშორისო გამჭვირვალობა საქართველოს“ აღმასრულებელი დირექტორის, ეკა გიგაურის ინფორმაციით, დარღვევა დაფიქსირდა საქართველოს მასშტაბით რამდენიმე საარჩევნო უბანზე.
გიგაურის ინფორმაციით, ყველაზე მნიშვნელოვანი დარღვევა სამეგრელოში, ზუგდიდის 67-ე საარჩევნო ოლქის 94-ე საარჩევნო უბანზე დაფიქსირდა, რა დროსაც „საერთაშორისო გამჭვირვალობა საქართველოს“ დამკვირვებელმა დარღვევის შემთხვევა დააფიქსირა.
მისივე თქმით, კომისიის ერთ-ერთმა წევრმა საარჩევნო ყუთში კონვერტები ჩაყარა.
როგორ გიგაურმა აღნიშნა, „საერთაშორისო გამჭირვალობის“ წარმომადგენელს ამ ფაქტთან დაკავშირებით, კომისიის თავმჯდომარემ თვალის დახუჭვა სთხოვა.
„ყველაზე მნიშვნელოვანი დარღვევა უკავშირდება არჩევნების სავარაუდო გაყალბებას ზუგდიდის 67-ე საარჩევნო ოლქის 94-ე საარჩევნო უბანზე. ჩვენმა დამკვირვებელმა დააფიქსირა, რომ ერთ-ერთმა კომისიის წევრმა ჩაყარა კონვერტები ყუთში. პროტესტის გამოხატვის შემდეგ, კომისიის თავმჯდომარემ სთხოვა და ასევე კომისიის თავმჯდომარემ და სალომე ზურაბიშვილის წარმომადგენელმა სთხოვა ჩვენს დამკვირვებელს, რომ თვალი დაეხუჭა ამ ყველაფერზე და არ დაეწერა საჩივარი. ჩვენ მოვაწოდებთ სამართალდამცავ ორგანოებს, დაინტერესდნენ ამ ფაქტით, რადგან ეს არის სისხლის სამართლის დანაშაული. ჩვენ ვითხოვთ ამ უბნის შედეგების ბათილად ცნობას.
გურჯაანის საარჩევნო ოლქის მეორე საარჩევნო უბანზე ერთ-ერთ ამომრჩეველს გარეთ გაყვა სადამკვირვებლო ორგანიზაცია „საქართველოს ერთიანი ახალგაზრდათა კავშირის“ წარმომადგენელი და მას გადასცა თანხა. ესეც არის სამართალდამცავი ორგანოების შესწავლის საგანი.
აგიტაციის წესების და ხმის მიცემის ფარულობის დარღვევა გურჯაანის საარჩევნო ოლქის 25-ე საარჩევნო უბანზე - ერთ-ერთმა კომისიის წევრმა კაბინის გარეთ მისცა ხმა და ესეც არის საარჩევნო კანონმდებლობის დარღვევა,“ - განაცხადა ეკა გიგაურმა.