უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
სახელმწიფო დაცვის სპეციალური სამსახურის ხელმძღვანელი მამა გიორგი მამალაძის დაკავების ფაქტს ადასტურებს
სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ საპატრიარქოს ქონების მართვის სამსახურის ხელმძღვანელის, მამა გიორგი მამალაძის დაკავების შესახებ ინფორმაცია ოფიციალურად დაადასტურა.
სდსს-ის ხელმძღვანელმა ბერლინში ქართველ ჟურნალისტებს განუცხადა, რომ საქართველოს მთავარ პროკურატურას, სისხლის სამართლის საქმე აქვს აღძრული და გამოძიება მიმდინარეობს.
"ყველა სპეცსამსახურებით მუდმივად ვიყავით ჩართულები პატრიარქის დაცვაში, ამის მიუხედვად ჩვენ მაინც ჩავთვალეთ, რომ ჩამოვსულიყავით და გვენახა მდგომარეობა პატრიარქის უსაფრთხოებასთან დაკავშირებით," - აცხადებს ანზორ ჩუბინიძე.
სახელმწიფო დაცვის სპეციალური სამსახურის ხელმძღვანელმა ასევე კომენტარი გააკეთა საქართველოს მთავარი პროკურატურის მიერ, პატრიარქის უსაფრთხოების სამსახურის ხელმძღვანელის, სოსო ოხანაშვილის დაკითხვასთან დაკავშირებით და განაცხადა, რომ მასთან საგამოძიებო უწყებებს მიცემული ჩვენების შემდეგ კითხვები აღარ აქვთ.
"სოსომ ძალიან კარგი გააკეთა, რომ იგი ჩავიდა, მიეხმარა გამოძიებას ყველანაირად ამ საქმესთან დაკავშირებით, სოსო განაგრძობს მუშაობას ჩვეულებრივად, სოსოსთან არანაირი კითხვის ნიშანი არ არის," - აცხადებს ანზორ ჩუბინიძე.
შეგახსენებთ, რომ საქართველოს საპატრიარქოს ქონების მართვის სამსახურის ხელმძღვანელი მამა გიორგი მამალაძე პარასკევს გამთენიისას, თბილისის საერთაშორისო აეროპორტში დააკავეს, ამ დრომდე საქართველოს მთავარი პროკურატურა არ აკეთებს კომენტარს, თუ რა მოტივით მოხდა სასულიერო პირის დაკავება. არსებული ცნობით, საქმეს გრიფით „საიდუმლო“ ადევს.
"რუსთავი 2"-ის ინფორმაციით, ამავე საქმეზე საქართველოს მთავარმა პროკურატურამ, შაბათს საქართველოს საპატრიარქოს უსაფრთხოების სამსახურის უფროსი იოსებ ოხანაშვილი დაკითხა.
ნინო ექვთიმიშვილი.