პოლიტიკა

სახელმწიფო საკონსტიტუციო კომისია პირველ შეხვედრას გამართავს

სახელმწიფო საკონსტიტუციო კომისია, დღეს პირველად შეიკრიბება.

შეხვედრა რედისონ ბლუ ივერიაში მიმდინარეობს.

პარლამენტის საპროცედურო საკითხთა და წესების კომიტეტის თავმჯდომარის გიორგი კახიანის განცხადებით, შეხვედრა პროცედურული ხასიათის იქნება.

მისი თქმით, დღვანდელ შეხვედრაზე უნდა შეიქმნას ოთხი სამუშაო ჯგუფი, რომელი თემატურად სხვადასხვა მიმართულებით იმუშავებენ.

„გარდა ამისა, ბუნებრივია, კომისიის თავმჯდომარე და იმავდროულად კომისიის წევრებიც, გამოთქვამენ თავის მოსაზრებებს, თუ როგორ წარიმართოს კომიისის საქმიანობა, როგორი იქნება მიდგომები, რა პრინციპებით ვიმუშავებთ და ამის შემდეგ სამუშაო პროცესი გადაინაცვლებს სამუშაო ჯგუფებში და საკონსტიტუციო კომისია დაიწყებს ფუნქციონირებას“,-აღნიშნა კახიანმა.

სახელმწიფო საკონსტიტუციო კომისიის შემადგენლობა გუშინ გახდა ცნობილი. მის მუშაობაში მონაწილეობას პოლიტიკური პარტიებისა და აღმასრულებელი ხელისუფლების წევრების გარდა ექსპერტები და არასამთავრობო ორგანიზაციების წარმომადგენლებიც მიიღებენ.

მონიკა დავლიანიძე