უკან

რეგიონები

5 სექტემბერი, 2017 21:35
font-size

სახელმწიფო სათანადოდ მოემზადა წლევანდელი რთველისთვის და არც ერთი კილოგრამი ყურძენი არ დარჩება ჩაუბარებელი - გიორგი კვირიკაშვილი

გასული ხუთი წლის განმავლობაში ჩვენ ერთად გადავდგით ის ნაბიჯები, რომელმაც ჩვენი ქვეყანა სწორ გზაზე დააყენა, - განაცხადა საქართველოს პრემიერ-მინისტრმა გიორგი კვირიკაშვილმა, კახეთში, სადაც რეგიონის რვა მუნიციპალიტეტში ,,ქართული ოცნების“ მერობის კანდიდატები წარადგინა.

კვირიკაშვილმა ადგილობრივებს დაგეგმილი პროექტები გააცნო და აღნიშნა, რომ წლევანდელი რთველისთვის მთავრობა სათანადოდ მომზადებულია.

,,ჩვენ მივხედეთ, პირველ რიგში, თითოეული ადამიანის ჯანმრთელობას, მივხედეთ სოფლის მეურნეობას, რომელიც სასიცოცხლოდ მნიშვნელოვანია ჩვენი ქვეყნისთვის. ქართველი კაცი დაუბრუნდა მევენახეობას, ჩვენ გადავარჩინეთ ვენახები გაჩეხვას და დღეს გვაქვს ვენახების გაშენების მზარდი ტენდენცია. ჩვენ 500 მილიონ ლარამდე შემოსავალი მივიღეთ კახეთში მარტო მევენახეობის განვითარებით და ეს ტენდენცია გაგრძელდება. ჩვენი სახელმწიფო სათანადოდ მოემზადა წლევანდელი რთველისთვის და არც ერთი კილოგრამი ყურძენი არ დარჩება ჩაუბარებელი.

ჩვენ ავირჩიეთ სოფლის მეურნეობის განვითარების სწორი მოდელი და ეს ეხება არა მარტო მევენახეობა-მეღვინეობას, არამედ ეს ეხება მეხილეობის განვითარებას. ეს არის პროგრამა „დანერგე მომავალი“, რომელიც სამი წლის წინ დაიწყო. ჩვენ არ გავაკეთეთ აქცენტი მყისიერ მოგებაზე, არამედ ეს პროგრამა ოთხი-ხუთი-ექვსი წლის თავზე იწყებს მოგებას და ჩვენ დღითიდღე, დღეიდან მოყოლებული დავიწყებთ დანახვას, თუ როგორ გაძლიერდება სოფლად მცხოვრები სწორედ ამ პროგრამების შედეგად.

ჩვენ მიზნად დავისახეთ ჩვენი ღვინის გასაღების ბაზრების განვითარება და გვაქვს უპრეცედენტოდ მზარდი ტენდენცია ჩვენი ღვინის გასაღების ბაზრის. სწორედ ამის გამო ჩვენ გვაქვს ათობით ახალი მეღვინეობის საწარმო კახეთში გახსნილი. ეს არ არის ჯერ კიდევ სრული წარმატება და რა თქმა უნდა, ეს ტენდენცია გაგრძელდება.

წარმატებისთვის ასევე მნიშვნელოვანია ინფრასტრუქტურული პროექტები. სწორედ ამიტომ, ჩვენ ჯერ არნახული მასშტაბის ინფრასტრუქტურული პროექტები წამოვიწყეთ. კერძოდ, კახეთზე შემიძლია ვთქვა, რომ ჩვენ გვაქვს მართლაც დღემდე არნახული მასშტაბის გზების, წყალმომარაგების სისტემების განვითარება და კიდევ ერთხელ ვამბობ, რომ ასეთი მასშტაბი ჩვენს ბიუჯეტში ჯერჯერობით არ ყოფილა.

მინდა, ჩამოვთვალო რამდენიმე ძალიან მნიშვნელოვანი პროექტი. ესენი გახლავთ - 15 კილომეტრიანი გურჯაანი-ბაკურციხის შემოვლითი გზა, რომლის დასრულებასაც მომავალი წლის ზაფხულში ვვარაუდობთ; გარდა ამისა, თბილისი-ბაკურციხის 87-კილომეტრიანი საავტომობილო გზის მოდერნიზება, რომელიც 2018 წლისთვის დაიწყება და ორ წელიწადში დამთავრდება; ასევე - წნორი-ლაგოდეხის მონაკვეთის 40-კილომეტრიანი საავტომობილო გზის მოდერნიზება. 2018 წლიდან დაგეგმილია ბაკურციხე-წნორის 16-კილომეტრიანი გზის მშენებლობა, რომელიც 2020 წელს დასრულდება და ამას გარდა, 36-კილომეტრიანი გზა გურჯაანი-თელავის შემოვლითი მონაკვეთის, რომელიც 121 მილიონი დოლარი დაჯდება. მთლიანობაში ამ გზების ღირებულება მილიარდ ლარზე მეტია. ნამდვილად შემიძლია ვთქვა, რომ კახეთს ექნება ჭეშმარიტად ევროპული სტანდარტების გზები და ამას დაემატება ასევე სრულიად ახალი გზა, რომლის დაგეგმარებაც დაწყებულია - ეს გახლავთ თელავისა და თუშეთის დამაკავშირებელი ახალი გზის მონაკვეთი, რომელიც გაცილებით გააიოლებს თუშეთთან კავშირს.

ჩვენ შარშან უკვე გვქონდა ამის პრეცედენტი, როდესაც საზაფხულო გზა დაიკეტა, ყოველკვირეულად დავნიშნეთ ვერტმფრენის რეისი თუშეთის მიმართულებით, რამაც ძალიან მნიშვნელოვნად გააიოლა იქ მყოფი ადამიანების ყოფა და რა თქმა უნდა, ეს გაგრძელდება მომავალ ზამთარშიც“, - განაცხადა პრემიერმა.

მისივე ინფორმაციით, 2018 წლიდან დაიწყება და 2020 წლისთვის დამთავრდება თელავის წყალმომარაგების სისტემის სრული რეაბილიტაცია.

გიორგი კვირიკაშვილის თქმით, ყველა რაიონში დაგეგმილია სპორტული კომპლექსების მშენებლობა და ამ მიმართულებით განსაკუთრებული ყურადღება დაეთმობა მოსახლეობის ჯანმრთელი ცხოვრების წესს.

,,ჩვენ დაგეგმილი გვაქვს, კახეთის მიმართულებით კომპლექსური პროგრამა წამოვიწყოთ იმისათვის, რომ კახეთი გავხადოთ სამაგალითო მიმართულება არა მხოლოდ საქართველოს, არამედ რეგიონული და საერთაშორისო მასშტაბით. ჩვენ ამ მიმართულებით ბევრს ვმუშაობთ, როგორც ინფრასტრუქტურის და რეგიონული განვითარების სამინისტროსთან, ასევე გუბერნატორთან და ადგილობრივი თვითმმართველობის წარმომადგენლებთან ერთად. სულ ახლო მომავალში ჩვენ დავაანონსებთ ამ უპრეცედენტო მასშტაბის პროგრამას, რომელიც იქნება, კიდევ ერთხელ ვამბობ, სამაგალითო, როგორც ქვეყნის, ასევე საერთაშორისო მასშტაბით.

ამას გარდა, მინდა გითხრათ, რომ კახეთს კულტურული მიმართულებით აქვს განსაკუთრებული პოტენციალი. ეს რეგიონი ყოველთვის მდიდარი იყო ინტელექტით და სწორედ ეს ინტელექტი ინარჩუნებს დღემდე იმ თვითმყოფადობას, იმ განსაკუთრებულ კულტურას, რომელიც აქ წარმოიშვა და რომელმაც არა მარტო კახეთის, არამედ საქართველოს თვითმყოფადობის შენარჩუნებაში განსაკუთრებული როლი ითამაშა. სწორედ ამიტომ, ჩვენ განსაკუთრებულ ყურადღებას ვუთმობთ კულტურის განვითარებას. ამ მიმართულებით განსაკუთრებული რესურსი დაიხარჯება, რათა თითოეულ რეგიონში ახალგაზრდებს ჰქონდეთ ადგილი, სადაც ისინი მივლენ, ნახავენ ახალ სპექტაკლებს, კინოხელოვნების ახალ ნიმუშებს და არ იქნება საჭიროება იმისა, რომ ამისთვის აუცილებლად დედაქალაქში იყოს წასასვლელი. ადგილობრივი კულტურის განვითარებას განსაკუთრებული მნიშვნელობა ექნება, როგორც ცენტრალური ბიუჯეტის ასიგნირების კუთხით, ასევე ადგილობრივი თვითმმართველობის ბიუჯეტებში“, - განაცხადა გიორგი კვირიკლაშვილმა.

სოფელ სალხინოში საპილოტო პროექტის ფარგლებში ჩატარებული სამუშაოების შემაჯამებელი შეხვედრა გაიმართა

25 სექტემბერი, 2018 , 17:30

მიწის სისტემური რეგისტრაციის საპილოტო პროექტის წარმომადგენლები ვანის მუნიციპალიტეტის სოფელ სალხინოს მოსახლეობას შეხვდნენ და საპილოტო არეალზე ჩატარებული სამუშაოები შეაჯამეს. მათ პროექტით გათვალისწინებული პროცედურები განმა

კახეთში სიმინდის მოსავლის აღება დაიწყო

25 სექტემბერი, 2018 , 13:05

კახეთის რეგიონში, სიმინდის მოსავლის აღების სამუშაოები აქტიურ ფაზაში შედის. ადგილობრივი მოსახლეობისათვის მოსავლის აღების აგროოპერაციას საქართველოს გარემოს დაცვისა და სოფლის მეურნეობის სამინისტროს შპს „მექანიზატორი&l

მცხეთა-მთიანეთში „არაგველობა 2018“ აღინიშნა

25 სექტემბერი, 2018 , 10:40

დუშეთის მუნიციპალიტეტის სოფელ ქვეშეთის ახალგაზრდების ინიციატივით, კრწანისის ბრძოლის 300 არაგველი გმირის ხსოვნის პატივსაცემად, „არაგველობა 2018“ გაიმართა. ღონისძიება უკვე მესამე წელია ტარდება და ქართული სიმღერ

ბათუმის ოპერის თეატრში გამართულ შეხვედრაზე სალომე ზურაბიშვილს მოქალაქემ მოღალატე უწოდა

24 სექტემბერი, 2018 , 15:55

ბათუმში საპრეზიდენტო კანდიდატის, სალომე ზურაბიშვილის ამომრჩეველთან გამართული შეხვედრა ხმაურის ფონზე წარიმართა. ბათუმის ოპერის თეატრში გამართულ შეხვედრაზე სალომე ზურაბიშვილს მოქალაქემ მოღალატე უწოდა. ქობულეთელი ასლან ვაშა

ქ. ზუგდიდის წყალმომარაგების სისტემი მშენებლობისთვის 95 მილიონი ლარამდე დაიხარჯება

24 სექტემბერი, 2018 , 14:35

ქ. ზუგდიდში წყალმომარაგებისა და წყალარინების თანამედროვე ინფრასტრუქტურა შენდება. მასშტაბურ სამუშაოებს აზიის განვითრების ბანკი აფინანსებს. ქალაქის წყალმომარაგების სისტემის რეაბილიტაციისთვის 95, ხოლო საკანალიზაციო ინფრასტრ

კახეთში მევენახეების შემოსავალმა 204 მლნ ლარს გადააჭარბა

24 სექტემბერი, 2018 , 13:50

24 სექტემბრის მონაცემებით, კახეთში 142 ათასამდე ტონა ყურძენი გადამუშავდა, მევენახეების შემოსავალმა 204 მლნ ლარს გადააჭარბა. რთველის საკოორდინაციო შტაბის უფროსის, ღვინის ეროვნული სააგენტოს თავმჯდომარის მოადგილის ანდრო ასლ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`