პოლიტიკა
საკმაოდ მაღალი თანამდებობის პირების საშტატო ერთეულების რეორგანიზაცია მოხდება - მიხეილ გიორგაძე
მხოლოდ რიგითი თანამშრომლების ხარჯზე არ მოხდება ოპტიმიზაცია, - აცხადებს კულტურისა და ძეგლთა დაცვის მინისტრი, მიხეილ გიორგაძე.
მისი ინფორმაციით, ოპტიმიზაციის პროცესში გადაწყვეტილების მიღების პრეროგატივა სამინისტროს დაქვემდებარებული ერთეულების ხელმძღვანელებს აქვთ და ისინი წყვეტენ, თუ რა ფორმით განხორციელდება შემცირება.
მიხეილ გიორგაძის თქმითვე, ოპტიმიზაციის პროცესი ნაცვლად 30 დეკემბრისა, 2017 წლის 20 იანვარს დასრულდება.
,,თითოეული საჯარო სამართლის იურიდიული პირის ხელმძღვანელის გადასაწყვეტია ის გზა, რა გზასაც ორგანიზაცია და ესა თუ ის ინსტიტუცია აირჩევს, იქნება ეს საშტატო, პროგრამული თუ ადმინისტრაციული ოპტიმიზაცია.
მე არაერთხელ აღვნიშნე, რომ არავითარ შემთხვევაში რიგითი თანამშრომლების ხარჯზე მხოლოდ ეს არ მოხდება. საკმაოდ მაღალი თანამდებობის პირების საშტატო ერთეულების რეორგანიზაცია მოხდება და იანვარში დავასრულებთ ამ პროცესს’’, - განუცხადა ჟურნალისტებს მიხეილ გიორგაძემ.
ნინო ექვთიმიშვილი