სამართალი

საკონსტიტუციო სასამართლო „მოსმენების შესახებ“ კანონს განიხილავს

საკონსტიტუციო სასამართლო, „მოსმენების შესახებ“ კანონის განხილვას დაუბრუნდა.

ამჯერად, სასამართლო სახალხო დამცველთან ერთად, 326 სარჩელს განიხილავს, რომელიც მოქალაქეებმა კამპანია „ეს შენ გეხება“-ს ფარგლებში შეიტანეს.

მოსარჩელეები მოითხოვენ საკონსტიტუციო სასამართლომ არაკონსტიტუციურად ცნოს კანონი, რომლის თანახმად, ფარულ საგამოძიებო მოქმედებებს ახორციელებს საჯარო სამართლის იურიდიული პირი ოპერატიულ-ტექნიკური სააგენტო, რომელიც მათი მტკიცებით, სახელმწიფო უსაფრთხოების სამსახურის დაქვემდებარებაშია.

ფონდ „ღია საზოგადოება საქართველოს“იურისტის გიორგი ბურჯანაძეს განცხადებით, სააგენტო სუს-ის დაქვემდებარებაშია, რადგან უსაფრთხოების სამსახური მას უმოწმებს ეფექტურობას, საქმიანობის მიზანშეწონილობას, კანონიერებას და შეუძლია ნებისმიერი ბრძანება მისცეს.

„ის ნორმები რომლებიც გაუქმნდა 2016 წლის 14 აპრილს და რომელიც შემდგომ მიიღო პარლამენტმა, სრულიად იდენტურია. ჩვენ ვამბობთ, რომ სააგენტო,რომელიც სიპ-ის სახით შეიქმნა, ისეთივე დაქვემდებარებაშია სუს-თან, როგორიც დაქვემდებარებაში იყო დეპარტამენტი. სუს-ის ხელმძღვანელი ახორციელებს სრულ კონტროლს. უმოწმებს ეფექტურობას, უმოწმებს მიზანშეწონილობას, კანონიერებას. მას შეუძლია ნებისმიერი ბრძანება მისცეს და ეს სააგენტო ვალდებულია მას დაემორჩილოს, ასე რომ არანაირი განსხვავება არ არის. ჩვენ მიგვაჩნია, რომ რაც იყო დეპარტამენტი, ის არის სიპი“,-აღნიშნა ბურჯანაძემ.

მონიკა დავლიანიძე