პოლიტიკა

საკრებულოდან ბიუჯეტს გამოვითხოვთ - კახა კალაძე

თბილისის მერი კახა კალაძე საკრებულოდან თბილისის ბიუჯეტის გამოთხოვას აპირებს. მისი განმარტებით, იქ არაა განსაზღვრული ის პროექტები, რომლის განხორციელებას დედაქალაქის ახალი მთავრობა გეგმავს.

„საკრებულოდან ბიუჯეტი აუცილებლად უნდა გამოვითხოვოთ, იმიტომ რომ დავით ნარმანიას მიერ არის წარდგენილი ეს ბიუჯეტი. მასში არაა გათვალისწინებული ჩვენი პრიორიტეტები. შესაბამისად, მოგვიწევს მუშაობა. გამოვითხოვთ და შემდეგ დაუბრუნდება საკრებულოს ჩვენს მიერ განსაზღვრული პროექტები, თუნდაც გუდიაშვილის მოედნის რეაბილიტაცია, თუნდაც ორბელიანი, ძველი თბილისის ისტორიული ნაწილი, ესაა ინფრასტრუქტურული პროექტები, ესაა ახალი გზების, ესტაკადების მშენებლობა.

კალაძე დედაქალაქის მერის მოვალეობის შესრულებას ორშაბათიდან შეუდგა.

ანა მებურიშვილი