პოლიტიკა

საკრებულომ დეპუტატების უფლებამოსილება ცნო

თბილისის ახლად არჩეულმა საკრებულომ პირველ სხდომაზე საკრებულოს წევრთა უფლებამოსილების ცნობის საკითხი განიხილა.

საკრებულოს დღევანდელ სხდომაზე დეპუტატებს უხუცესმა წევრმა ფრიდონ ინჯიამ მიმართა და ოპოზიციისა და მმართველი გუნდის თანამშრომლობის აუცილებლობაზე ისაუბრა.

ფრიდონ ინჯიას სიტყვის შემდეგ დეპუტატებმა ახლად არჩეული საკრებულოს წევრების უფლებამოსილების საკითხს ერთხმად დაუჭირეს მხარი. ფრიდონ ინჯიას შემდეგ დეპუტატებს მეხუთე მოწვევის საკრებულოს თავმჯდომარემ გიორგი ალიბეგაშვილმა მიმართა და მან ახლად არჩეულ მერს, ასევე საკრებულოს მომავალ თავმჯდომარეს წარმატებები უსურვა.

თბილისის მეექვსე მოწვევის საკრებულოს პირველ სხდომაზე ნახევარსაათიანი შესვენება გამოცხადდა, რის შემდეგაც დეპუტატები საკრებულოს თავმჯდომარეს და მის მოადგილეებს აირჩევენ.

ნინო ექვთიმიშვილი