უკან
საზოგადოება
22 იანვარი, 2019 10:22
სალომე ზურაბიშვილი ბელგიაში ქართული დიასპორის წარმომადგენლებს შეხვდა
ბელგიის სამეფოში ვიზიტად მყოფი საქართველოს პრეზიდენტი ქართული დიასპორის წარმომადგენლებს შეხვდა. ამის შესახებ ინფორმაციას პრეზიდენტის პრესსამსახური ავრცელებს.
სალომე ზურაბიშვილმა ქვეყანაში მიმდინარე პროცესებში დიასპორების ჩართულობის აუცილებლობაზე ისაუბრა და გააჟღერა ინიციატივა პარლამენტში დიასპორის წარმომადგენლის ინსტიტუტის შემოღებასთან დაკავშირებით.
მანამდე პრეზიდენტი ბრიუსელში ქართველ სტუდენტებს შეხვდა.
22-23 იანვარს, საქართველოს პრეზიდენტი მაღალი რანგის შეხვედრებს გამართავს ევროპული და ევრო-ატლანტიკური ორგანიზაციების ხელმძღვანელებთან.