საზოგადოება

„დინამოს“ ლეგენდებმა „აიაქსის“ ლეგენდები ანგარიშით 5:2 დაამარცხეს

თბილისის “დინამოს” ვეტერანებმა ამსტერდამის “აიაქსის” ვეტერანები ანგარიშით 5:2 დაამარცხეს. ლეგენდების მატჩი თბილისის "დინამოს" დაარსების 100 წლისთავს მიეძღვნა და ბორის პაიჭაძის სახელობის “დინამო არენაზე” გაიმართა.

პირველი ტაიმი სტუმრების უპირატესობით წარიმართა. ისინი ორბურთიანი სხვაობით დაწინაურდნენ.

ანგარიში 26-ე წუთზე რაიან ბაბელმა გახსნა. მეორე გოლი კი მასპინძელთა კარში რიკარდო ვან რიინმა გაიტანა.

“დინამოს” ვეტერანებმა მეორე ტაიმში იმარჯვეს. გიორგი დემეტრაძემ თერთმეტმეტრიანი ზუსტად მას შემდეგ შეასრულა, რაც იგი საჯარიმოში მეკარემ წააქცია. ანგარიში 1:2 გახდა. ამას გიორგი მერებაშვილის ჰეთ-თრიქი მოჰყვა. შეხვედრის ბოლო, მე-7 გოლი კი ალექსანდრე იაშვილმა გაიტანა და საბოლოო ანგარიში 5:2 აღმოჩნდა.

“აიაქსის” მაისურით თბილისში ისეთმა სახელოვანმა ფეხბურთელებმა ითამაშეს, როგორებიც კლარენს ზეედორფი, ძმები: როლანდ და ფრანკ დე ბურები, რაიან ბაბელი, არონ ვინტერი და სხვები არიან.

აღსანიშნავია, რომ რომ სხვადასხვა დროს ამსტერდამის „აიაქსიში“ სამი ქართველი ფეხბურთელი: შოთა არველაძე, გიორგი ქინქლაძე და გიორგი მიქაუტაძე თამაშობდა.