უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
სალომე ზურაბიშვილი ნდობის ჯგუფში შესვლას აპირებს
დამოუკიდებელი დეპუტატი სალომე ზურაბიშვილი ნდობის ჯგუფში გაწევრიანებასა და პარლამენტისთვის საკუთარი კანდიდატურის წარდგენას აპირებს.
საქმე ეხება ერთ ვაკანტურ კვოტას, რომელიც გათვალისწინებულია უმრავლესობისა და უმცირესობის გარეთ დარჩენილ დეპუტატებზე. ამავე ადგილზე პრეტენზიას აცხადებენ ირმა ინაშვილი „პატრიოტთა ალიანსიდან“ და სალომე სამადაშვილი „ერთიანი ნაციონალური მოძრაობიდან“.
„მე რატომ უნდა დავუჭირო მხარი, როდესაც მიმაჩნია, რომ გამოცდილებით და ბევრი სხვა ნიშნით მე უფრო საჭირო ვიქნები ამ ნდობის ჯგუფში, ვიდრე ნებისმიერი წარდგენილი. შეიძლება გამოინახოს სხვა ფორმა და ცვლილება შევიდეს რეგლამენტში, მაგრამ ძალიან ცუდია, როდესაც ნდობის ჯგუფში არ არის დამოუკიდებელი დეპუტატი“,- თქვა ზურაბიშვილმა.
ნდობის ჯგუფის ოთხი წევრის ვინაობა უკვე ცნობილია. ისინი არიან თავდაცვისა და უშიშროების კომიტეტის თავმჯდომარე ირაკლი სესიაშვილი, რომელიც ავტომატურად ხდება ნდობის ჯგუფის თავმჯდომარე, ეკა ბესელია უმრავლესობის კვოტით, არჩილ თალაკვაძე - მაჟორიტარების კვოტით და ირაკლი აბესაძე - უმცირესობის კვოტით.
სულ ნდობის ჯგუფში საპარლამენტო უმცირესობებსა და იმ ფრაქციებს, რომლებიც უმრავლესობაში არ შედიან, ორი კვოტა ენიჭება.
საქართველოს კანონით „ნდობის ჯგუფის შესახებ“ ნდობის ჯგუფის ამოცანაა, აკონტროლოს საქართველოს აღმასრულებელი სახელისუფლებო ორგანოების სპეციალური პროგრამებისა და საიდუმლო საქმიანობის ბიუჯეტი.
ანა მებურიშვილი