პოლიტიკა

სალომე ზურაბიშვილი როგორც პრეზიდენტი, ძალიან სასაცილო ფენომენი იქნება თვითონ „ქართული ოცნებისთვის“ - გია ხუხაშვილი

პოლიტოლოგი გია ხუხაშვილის განცხადებით, დამოუკიდებელ დეპუტატ სალომე ზურაბიშვილს პრეზიდენტობა დიდი ხანია სურს. ხუხაშვილის ნაამბობიდან ირკვევა, რომ ამ პოსტის დაკავებაში დახმარების თხოვნით მას ზურაბიშვილმა ჯერ კიდევ 2012 წელს მიმართა.

ექსპერტის შეფასებით, ზურაბიშვილი, როგორც პრეზიდენტი, სასაცილო ფენომენი იქნება იმავე მმართველი პარტიისთვის.

„სრული ფარსია რაღაც "ქართული ოცნების" რიტორიკა, რომ ისინი ოპოზიციას უჭერენ მხარს, იმიტომ რომ სალომე ზურაბიშვილი დიდი ხანია იქცა „ქართული ოცნების“ აქტივისტად. საინტერესოა, რა ფინანსური სქემით მიიღებს ის ამ ყველაფერში მონაწილეობას. ასე რომ მხიარული ცხოვრებით ცხოვრება გველის წინ, თავი რომ გავანებოთ იმას, რომ სალომე ზურაბიშვილი როგორც პრეზიდენტი, ძალიან სასაცილო ფენომენი იქნება თვითონ „ქართული ოცნებისთვის“, - თქვა ხუხაშვილმა.