პოლიტიკა

სალომე ზურაბიშვილი ვერ გახდება ამ ქვეყნის პრეზიდენტი, ის საქართველოს მოსახლეობას არ აურჩევია - ბაჩუკი ქარდავა

„საქართველოს ეროვნულ-დემოკრატიული პარტიის“ თავმჯდომარის, ბაჩუკი ქარდავას მტკიცებით, სალომე ზურაბიშვილი ქვეყნის პრეზიდენტი ვერ გახდება, რადგან მოსახლეობის დიდმა ნაწილმა მას მხარი არ დაუჭირა.

„სალომე ზურაბიშვილი ვერ გახდება ამ ქვეყნის პრეზიდენტი, ის საქართველოს მოსახლეობას არ აურჩევია. შესაბამისი იქნება ჩვენი მოქმედებაც. ჩვენ არ ვცნობთ მას როგორც საქართველოს პრეზიდენტს, იმიტომ, რომ მას არ სცნობს საქართველოს პრეზიდენტად მოსახლეობის უდიდესი ნაწილი. ქმედებებიც იქნება შესაბამისი, როგორც ქართველი ხალხი მოიქცევა, ჩვენ ვალდებული ვართ, ავუწყოთ მათ გეგმებს, განწყობებს მხარი“, - განაცხადა ქარდავამ.

ცენტრალური საარჩევნო კომისიის მიერ, ხმების 100 %-ის დათვლის შედეგად, საპრეზიდენტო არჩევნების მეორე ტურში ,,ქართული ოცნების“ მიერ მხარდაჭერილ კანდიდატს, სალომე ზურაბიშვილს ხმა ამომრჩეველთა 59,52 %-მა მისცა, გაერთიანებული ოპოზიციის კანდიდატ გრიგოლ ვაშაძეს კი 40,48 %-მა