პოლიტიკა

სალომე ზურაბიშვილის ზოგიერთი განცხადება მისაღებია, ზოგიერთ განცხადებაზე შეიძლება, ჩვენ განსხვავებული ხედვა გვქონდეს - სოზარ სუბარი

საქართველოს მთავრობის ადმინისტრაციის რეგიონული მართვის მიმართულების ხელმძღვანელის, სოზარ სუბარის თქმით, მმართველ გუნდს ჯერ არ გადაუწყვეტია, დაუჭერს თუ არა მხარს არჩევნებზე დამოუკიდებელ კანდიდატ სალომე ზურაბიშვილს.

სუბარმა აღნიშნა, რომ ზურაბიშვილის ზოგიერთ განცხადებას „ქართულ ოცნებაში“ არ იზიარებენ.

„თვის ბოლომდე იქნება პოზიცია გამოხატული. რაც შეეხება, სალომე ზურაბიშვილის განცხადებებს, მისი ზოგიერთი განცხადება მისაღებია, ზოგიერთ განცხადებაზე შეიძლება, ჩვენ განსხვავებული ხედვა გვქონდეს, თითოეული განცხადების დონეზე ნამდვილად ვერ ჩავალ“,- განაცხადა სუბარმა.