საზოგადოება

სამწუხაროდ, „ციანიდის საქმის“ განხილვისგან კათალიკოს-პატრიარქმა თავი შეიკავა - მეუფე პეტრე

ჭყონდიდელი მიტროპოლიტი პეტრეს განცხადებით, წმინდა სინოდის სხდომაზე პატრიარქმა "ციანიდის საქმის" განხილვაზე თავი შეიკავა. ამის შესახებ სასულიერო პირმა ჟურნალისტებს სხდომის დასრულების შემდეგ უთხრა.

კითხვაზე, დააყენა თუ არა მან წმიდა სინოდის სხდომაზე "ციანიდის საქმის" განხილვის საკითხი, მეუფე პეტრემ უპასუხა, რომ დააყენა.

„სამწუხაროდ, ციანიდთან დაკავშირებული საკითხის განხილვაზე კათალიკოს-პატრიარქმა თავი შეიკავა. ძალიან გულდასაწყვეტია. მიმაჩნია, რომ არასწორი და არაჯეროვანია მსგავსი პოზიცია“, - განაცხადა მეუფე პეტრემ.