პოლიტიკა

საპრეზიდენტო არჩევნებთან დაკავშირებით მმართველი პარტიის პოზიცია ივლისის ბოლოს, არაუგვიანეს აგვისტოს დასაწყისში გახდება ცნობილი - არჩილ თალაკვაძე

მმართველი პარტიის პოზიცია საპრეზიდენტო არჩევნებთან დაკავშირებით ივლისის ბოლოს, არაუგვიანეს აგვისტოს დასაწყისში გახდება ცნობილი, - განუცხადა ჟურნალისტებს საპარლამენტო უმრავლესობის ლიდერმა, არჩილ თალაკვაძემ.

რაც შეეხება საპრეზიდენტო არჩევნების თარიღს, თალაკვაძის თქმით, ამ თარიღის დასახელება საქართველოს პრეზიდენტის, გიორგი მარგველაშვილის პრეროგატივაა.

„საპრეზიდენტო არჩევნების ვადის განსაზღვრა პრეზიდენტის პრეროგატივაა. შესაბამისად, ჯერჯერობით არსებობს ვადა იმისთვის, რომ მან დაასახელოს კონკრეტული თარიღი. რაც შეეხება "ქართული ოცნების" პოზიციას საპრეზიდენტო არჩევნებთან დაკავშირებით, როგორც რამდენიმე თვის წინ განვაცხადეთ, ჩვენ მივდივართ გეგმის მიხედვით", - განაცხადა თალაკვაძემ.

ნინო ექვთიმიშვილი