უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
საქართველო და უკრაინა უფრო აქტიურად მოვითხოვთ ჩვენი ქვეყნების ინტეგრაციას ევროპულ და ევროატლანტიკურ სივრცეში - გიორგი მარგველაშვილი
საქართველოს პრეზიდენტის, გიორგი მარგველაშვილის განცხადებით, უკრაინის პრეზიდენტთან, პეტრო პოროშენკოსთან შეხვედრაზე მან ისაუბრა საქართველოსა და უკრაინის თანამშრომლობის გააქტიურებაზე ევროინტეგრაციის კუთხით.
„ჩვენ დღეს მიმოვიხილეთ ბევრი მნიშვნელოვანი საკითხი. უპირველეს ყოვლისა, ესაა ჩვენი ერთობლივი აქტიური პოლიტიკა საერთაშორისო არენაზე. მე მადლობა მინდა გადავუხადო იმ აქტიური პოზიციისათვის, საქართველოს პრობლემატიკის აქტიური წარმოჩენისათვის, რომელსაც ჩვენი უკრაინელი მეგობრები საერთაშორისო ფორუმებზე გამოავლენენ. ამ კონტექსტში ჩვენ შევთანხმდით, რომ ჩვენ ვიქნებით უფრო აქტიურები ჩვენს ერთობლივ მესიჯებში, პოზიციებში და მოვითხოვთ კიდევ უფრო აქტიურად საქართველოსა და უკრაინის ინტეგრაციას ევროპულ და ევროატლანტიკურ სივრცეში“, - განაცხადა საქართველოს პრეზიდენტმა პრესკონფერენციაზე.
გიორგი მარგველაშვილის თქმით, უკრაინისა და საქართველოს პირველმა პირებმა ასევე ისაუბრეს ეკონომიკურ და სამხედრო თანამშრომლობაზე.
„ჩვენ ვისაუბრეთ იმ ეკონომიკური თანამშრომლობის პოტენციალზე, რომელიც არსებობს ახალი აბრეშუმის გზის კონტექსტში. საქართველო ძალიან ბევრ მნიშვნელოვან შესაძლებლობას იძლევა ამ თვალსაზრისით და თანამშრომლობა უკრაინასთან საერთაშორისო სატრანსპორტო პროექტებზე, როგორიცაა ზუბრი და ვიკინგი ამ თანამშრომლობის კიდევ უფრო გაღრმავების შესაძლებლობას მოგვცემს. ჩვენ ვისაუბრეთ ერთობლივ უფრო აქტიურ თანამშრომლობაზე სამხედრო სფეროში და ასევე ვისაუბრეთ შავი ზღვის უსაფრთხოებისა და დაცვის ნაწილზეც. შავი ზღვის თემატიკაზე უფრო ახლო კოორდინაციის საკითხებზე“, - თქვა გიორგი მარგველაშვილმა.
საქართველოს პრეზიდენტმა ასევე გაამახვილა ყურადრება რუსეთის აგრესიაზე უკრაინის აღმოსავლეთ ნაწილსა და საქართველოს ოკუპირებულ ტერიტორიებზე. გიორგი მარგველაშვილის განცხადებით, რუსეთის წნეხის მიუხედავად, საქართველო განვითარების გზაზე დგას.
„ბატონო პეტრო, თქვენ დღეს ბრძოლის ველზე ხართ და კარგად ხედავთ იმას, რაც ქართველებმა ვნახეთ 90-იანებში, 2008-ში - ეს არის ჩვენი მეზობლის, რუსეთის ფედერაციის ინტერესები, რომელიც ხორციელდება პრივილიგირებულ ინტერესთა სფეროს პოლიტიკით, პოლიტიკით, რომელსაც მოაქვს დესტაბილიზაცია, მოაქვს ადამიანური ტრაგედია, აშორებს ერებს და არ აახლოებს მათ, მაგრამ ამავე დროს თქვენ იმყოფებით საქართველოში, საქართველოში, რომელმაც გაუძლო ამ წნეხს, რომლის, რა თქმა უნდა, ორი რეგიონი ოკუპირებულია, მაგრამ ამავე დროს , ესაა ქვეყანა, რომელიც ორიენტირებულია თანამშრომლობაზე, მეგობრობასა და საერთაშორისო პროექტების გაძლიერებაზე“, -განაცხადა გიორგი მარგველაშვილმა.
პრესკონფერენციის დაწყებამდე საქართველოსა და უკრაინის პირველმა პირებმა ხელი მოაწერეს სტრატეგიული პარტნიორობის შესახებ მემორანდუმს. საქართველოს პრეზიდენტმა აღნიშნა, რომ ამ მემორანდუმის ფარგლებში შესაბამისი სამუშაო საბჭო ჩამოყალიბდება.