უკან

უახლესი ამბები

დღის კალენდარი

ანონსები

არქივი

პოლიტიკა

24 აპრილი, 2017 18:45
font-size

საქართველო ესტონეთისა და ევროკავშირის მნიშვნელოვანი პარტნიორია - სვენ მიკსერი

„საქართველო ესტონეთის მნიშვნელოვანი პარტნიორია. ორმხრივი ურთიერთობების კუთხით ის პრიორიტეტული ქვეყანაა თანამშრომლობის განვითარების სფეროში და ასევე ძალიან მნიშვნელოვანი პარტნიორია ევროკავშირისთვის“ - განაცხადა ესტონეთის საგარეო საქმეთა მინისტრმა სვენ მიკსერმა ქართველ კოლეგასთან შეხვედრის შემდგომ გამართულ ერთობლივ პრეს-კონფერენციაზე, სადაც ვრცლად ისაუბრა საქართველო-ესტონეთის წარმატებულ თანამშრომლობასა და პარტნიორობაზე.

საქართველოს საგარეო საქმეთა სამინისტროს ინფორმაციით, სვენ მიკსერმა კიდევ ერთხელ დააფიქსირა ესტონეთის მტკიცე მხარდაჭერა, როგორც საქართველოს ტერიტორიული მთლიანობის და სუვერენიტეტის, ასევე ქვეყნის ევროპული და ევროატლანტიკური მისწრაფებებისადმი.

მინისტრმა საქართველოს მიულოცა ევროკავშირთან უვიზო მიმოსვლის რეჟიმის ამოქმედება და აღნიშნა, რომ ევროპული ინტეგრაციის გზაზე ამ უმნიშვნელოვანესი წინგადადგმული ნაბიჯის მისაღწევად ქვეყანამ ნამდვილად დიდი ძალისხმევა გასწია.

”მინდა ვისარგებლო შემთხვევით და მივულოცო საქართველოს ევროკავშირთან ვიზალიბერალიზაცია, რაც გახლავთ ძალზე მნიშვნელოვანი ნაბიჯი ევროპაში ინტეგრაციის გზაზე. ამას ნამდვილად სერიოზული ძალისხმევა, საშინაო დავალების შესრულება დასჭირდა, რათა ქვეყანა მომზადებულიყო ვიზალიბერალიზაციის შემოღებისთვის. ეს გახლავთ შემდგომი ბიძგი, სტიმული ქვეყნის ევროატლანტიკური მისწრაფებებისთვის. ეჭვგარეშეა, რომ საქართველო არის ძალიან მნიშვნელოვანი პარტნიორი ესტონეთისთვის, ასევე ევროკავშირისთვის. ეს მოხდება საკმაოდ რთულ პერიოდში ევროკავშირისთვის. მიმდინარეობს და საკმაოდ დაძაბულია საარჩევნო კალენდარი ევროკავშირის სხვადასხვა წევრ ქვეყანაში. ჩვენი პრეზიდენტობის დღის წესრიგში ერთ-ერთ პრიორიტეტად დასახული გვაქვს აღმოსავლეთ პარტნიორობა. აღმოსავლეთ პარტნიორობის წევრი ქვეყნების მხრიდან სხვადასხვა დონის ამბიციაა ევრონტეგრაციის თვალსაზრისით, მაგრამ საქართველო არის ნამდვილად წარმატებული მაგალითი, ქვეყანა, რომელმაც დაისახა ძალიან ამბიციური მიზანი ევროკავშირში სრულუფლებიანი წევრობის. მიუხედავად იმისა, რომ საქართველოს ჯერ კიდევ გრძელი გზა აქვს გასავლელი ამ მიზნამდე, უმნიშვნელოვანესია ეს პროცესები, რომელიც მიგვიყვანს წევრობამდე როდესაც ამის შესაძლებლობა ექნება. რეფორმები, რომელიც ამ მიზნამდე მიიყვანს ქვეყანას, ძალიან ხშირ შემთხვევაში გვესახება მტკივნეულად და რთულად, მაგრამ ძალიან დადებითია საქართველოს კონკურენტუნარიანობის ამაღლებისთვის, ეკონომიკური განვითარებისთვის, ზოგადად მოსახლეობისთვის”, - განაცხადა ესტონეთის საგარეო საქმეთა მინისტრმა.

სვენ მიკსერის განცხადებით ესტონეთი მხარს უჭერს საქართველოს მისწრაფებებს უსაფრთხოებისა და თავდაცვის სფეროების მიმართულებით.

„თქვენ ნატოს მისაბაძი პარტნიორი ხართ და დიდი წვლილი შეგაქვთ ნატოს ოპერაციებში და ასევე ძალიან კონსტრუქციულად მუშაობთ რეგიონული უსაფრთხოების კონტექსტში, შავი ზღვის რეგიონში. ჩვენ ჩრდილო ატლანტიკური ორგანიზაციის ღია კარის პოლიტიკის მომხრეები ვართ და მოგიწოდებთ, რომ ყველა ფორმატი გამოიყენოთ“ - აღნიშნა მინისტრმა.

ესტონეთის საგარეო უწყების ხელმძღვანელმა მზადყოფნა გამოთქვა საქართველოს დაეხმაროს და გაუზიაროს გამოცდილება ნატოში ინტეგრაციის გზაზე.

გიორგი გახარია ევროპული საბჭოს პრეზიდენტ შარლ მიშელს შეხვდა

29 სექტემბერი, 2020 , 17:49

საქართველოს პრემიერ-მინისტრი გიორგი გახარია ბრიუსელში ოფიციალური ვიზიტის ფარგლებში ევროპული საბჭოს პრეზიდენტ შარლ მიშელს შეხვდა.  მთავრობის ადმინისტრაციის პრესსამსახურის ცნობით, მხარეებმა ყურადღება დაუთმეს COVID-19-

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა

29 სექტემბერი, 2020 , 16:45

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა. ორბელიანების სასახლეში გამართულ გაცნობითი ხასიათის შეხვედრაზე ელჩმა მაღალი შეფასება მისცა საქართველოს ევრო

მმართველი გუნდის წევრებისთვის საერთო მაუწყებლის მიერ დაგეგმილ დებატებში მონაწილეობა სავალდებულო უნდა გახდეს - „ლელო“ ახალი ინიციატივით გამოდის

29 სექტემბერი, 2020 , 16:05

„ლელოს“ ლიდერებმა და მაჟორიტარი დეპუტატობის კანდიდატებმა - კახა კოჟორიძემ და ლევან კობერიძემ პარლამენტში საკანონმდებლო ინიციატივა წარადგინეს, რომლის თანახმადაც, მმართველი გუნდის წევრებისთვის სავალდებულო უნდა

„ქართული ოცნება“ სრულ საარჩევნო სიას პირველ ოქტომბერს გამოაქვეყნებს

29 სექტემბერი, 2020 , 15:30

„ქართული ოცნების“ სრული საარჩევნო სია პირველ ოქტომბერს გამოქვეყნდება, – ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ განაცხადა. „გამსვლელ სიაში ოცეულის შემდ

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს - გია ვოლსკი

29 სექტემბერი, 2020 , 15:30

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს, – ამის შესახებ პარლამენტის პირველმა ვიცე -სპიკერმა, გია ვოლსკიმ პარლამენტის პლენარულ სესიაზე განაცხადა.

გიორგი გახარია ნატოს შტაბბინაში იენს სტოლტენბერგს შეხვდა

29 სექტემბერი, 2020 , 14:45

საქართველოს ნატოში ინტეგრაციის პროცესი და შავი ზღვის უსაფრთხოება იყო ძირითადი თემები საქართველოს პრემიერ-მინისტრ გიორგი გახარიასა და ნატოს გენერალური მდივნის, იენს სტოლტენბერგის შეხვედრაზე, რომელიც დღეს ბრიუსელში, ნატო-ს

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე