უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
პოლიტიკა
საქართველო გაქრა მსოფლიო დღის წესრიგიდან - ანდრეი ილარიონოვი
ამერიკული ორგანიზაცია კატონის უნივერსიტეტის ექსპერტის ანდრეი ილარიონოვის განცხადებით, საქართველოსა და მისი ტერიტორიების ოკუპაცია მსოფლიო პოლიტიკის დღის წესრიგიდან მოხსნილია. საქართველოს ხელისუფლების საგარეო პოლიტიკის შეფასებისას ანალიტიკოსმა განაცხადა, რომ მმართველი გუნდი საერთაშორისო საზოგადოების მობილიზების კუთხით, ფაქტობრივად არ მუშაობს.
„შეხედეთ, რა ხდება ბოლო ხუთი წელია. საქართველო გაქრა მსოფლიო დღის წესრიგიდან. მასზე არავინ არ საუბრობს. არავინ არ წერს. არ არიან არც ქართველი სპიკერები და არც ისინი, ვინც საქართველოზე ილაპარაკებს, ქვეყანა მსოფლიო პოლიტიკური რუკიდან გაქრა. იყო ადამიანების გატაცების ფაქტები, მავთულხლართების გაბმის ფაქტები, მაგრამ მსოფლიომ ამის შესახებ არ იცის, რადგან ამაზე საქართველოს ხელისუფლება არ ლაპარაკობს.
2003-დან 2012-მდე საქართველოს ჰყავდა ძლიერი სპიკერები, რომლებიც მსოფლიო დონეზე ყველაფერს ლაპარაკობდნენ. მაშინ საქართველოს გაიცნო მსოფლიომ . სპიკერები ყველა ფაქტზე საუბრობდნენ და ყველა პრობლემა მსოფლიო განხილვის თემა ხდებოდა. რეალურად 2008 წელს სწორედ ამან შეაჩერა რუსეთის ფართომასშტაბიანი შემოჭრა, ქვეყნის პრობლემების საერთაშორისო დონეზე განხილვა არის დამატებითი დაცვის ბერკეტები, რომელიც ქვეყანას აგრესორისგან დაიცავს.
უსაფრთხოების კუთხით ყველაზე საშიში რაც მოხდა ბოლო 5-6 წლის განმავლობაში, არის საერთაშორისო დაცვის მექანიზმის მოშლა. ეს აწყობილი სტრუქტურა მთლიანად ლიკვიდირებულია.” - აცხადებს ექსპერტი ანდრეი ილარიონოვი.