უკან

პოლიტიკა

26 მაისი, 2018 13:15
font-size

საქართველოს დამოუკიდებელი რესპუბლიკის 100 წლისთავის აღსანიშნავად გაერო შოთა რუსთაველის გამოსახულებიან საფოსტო მარკებს რეალიზაციაში გაუშვებს

პირველი დამოუკიდებელი რესპუბლიკის 100 წლის იუბილე გაეროს შტაბ-ბინაში სპეციალური მოვლენით აღინიშნა. შოთა რუსთაველის 850 წლისთავთან დაკავშირებით, გაერთიანებული ერების ორგანიზაციამ დაბეჭდა და რეალიზაციაში უკვე 26 მაისიდან გაუშვებს შოთა რუსთაველის გამოსახულებიან საფოსტო მარკებს, რომელიც ევროს დომინაციაში გაიყიდება.

შოთა რუსთაველის გამოსახულებიანი საფოსტო მარკა გაეროს ვენის ოფისიდან გაიყიდება. მარკის დაბეჭდვის იდეა საქართველოს წარმომადგენლობას ჰქონდა. მოლაპარაკებები გაეროს შესაბამის სამსახურებთან ცხრა თვის განმავლობაში მიმდინარეობდა.

„კონკრეტულად მარკებთან დაკავშირებით 9 თვე ვიმუშავეთ. ჩართული იყო საგარეო, განათლების, კულტურის, ეკონომიკის სამინისტროები, ჩვენი და გაეროს საფოსტო ადმინისტრაცია, შესაბამისი მასალები რომ ყოფილიყო მოძიებული, გურამ ახალიაც იყო ჩართული, რომელიც რუსთაველის დიდი ქომაგია. გაერომ მართლა უპრეცენდენტო რამ გააკეთა, დაიბეჭდა მარკა მე-12 -ე საუკუნის მოღვაწეზე, ასეთი რამ ჯერ არ გვახსოვს. ასე რომ, მგონი ძალიან კარგი საჩუქარი გამოუვიდა ჩვენი პირველი რესპუბლიკის დაარსების 100 წლის იუბილესთან დაკავშირებით“, -განაცხადა გაეროში საქართველოს ელჩმა კახა იმნაძემ.

გაეროს გენერალური ასამბლეის პრეზიდენტმა მიროსლავ ლეჟაკმა შოთა რუსთაველისა და კერძოდ, „ვეფხისტყაოსნის“ მნიშვნელობაზე გაამახვილა ყურადღება.

„შოთა რუსთაველის მე-12 საუკუნის ეპოქალური პოემა „ვეფხისტყაოსანი“ მნიშვნელოვანი ქმნილებაა არა მხოლოდ ქართველებისთვის, არამედ მსოფლიოში მცხოვრები სხვადასხვა ასაკის ადამიანებისთვის. ბევრი გზავნილი, რომელიც ამ პოემაშია, დღემდე აქტუალურია. მაგალითისთვის, კომპრომისებზე წასვლა მოლაპარაკების დროს და წინასწარ მოსალოდნელი არასასურველი შედეგის განჭვრეტა. დღეს კიდევ ერთხელ ვაფასებთ და ვახსენებთ ამ ღირებულებებს, როგორც მსოფლიოს კულტურულ მემკვიდრეობაში გაწეულ დიდ წვლილს“, - განაცხადა ლეჟაკმა დამოუკიდებლობის 100 წლის იუბილესა და მარკის პრეზენტაციისას.

მარკის პრეზენტაციას საგარეო საქმეთა მინისტრის მოადგილე ხათუნა თოთლაძეც ესწრებოდა, რომელმაც აღნიშნა, რომ საქართველოს ისტორიაში დღევანდელი დღე ძალიან შთამბეჭდავად უნდა აისახოს.

„გაეროს პრაქტიკაში ჯერ ასეთ შემთხვევას ადგილი არ ჰქონია“, -თქვა თორთლაძემ.

შოთა რუსთაველის 850 წლისთავის საიუბილეო საფოსტო მარკა 10 სხვადასხვა დიზაინითაა წარმოდგენილი და პოემის მნიშვნელოვან ფრაგმენტებს ასახავს. მარკის ღირებულება 80 ცენტი იქნება.

გაეროს მიერ საფოსტო მარკების დაბეჭდვის ისტორია 1947 წლიდან იწყება. პირველი ინიციატორი არგენტინა იყო. მოგვიანებით, საფოსტო მარკები ავსტრიამ და აფრიკულმა ქვეყნებმაც დაბეჭდეს. ამ მარკების მთავარი გზავნილი მშვიდობაა.

მარკაზე საქართველოს რუკა 1992 წლის 31 ივლისის საზღვრებით არის წარმოდგენილი, როდესაც საქართველო გახდა გაეროს სრულუფლებიანი წევრი.

საქართველოს დამოუკიდებლობის დღე უცხოელმა დიპლომატებმა მიულოცეს. გერმანიის ელჩის, იორბენ შულცის თქმით, „ჩვენ მხარს ვუჭერთ საქართველოს ტერიტორიულ მთლიანობას და ამ მხარდაჭერას წელსაც რეზოლუციის კენჭისყარზე დავაფიქსირებთ“.

მარკის პრეზენტაციაზე მისულ დიპლომატებს ჟურნალ "National geographic "-ის ქართული გამოცემა გადაეცათ, სადაც საქართველოს შესახებ წერია, მაგალითად, პოლ სალოპეკის სტატია ღვინოზე.

მრავალსაუკუნოვანი ქართული ფოლკლორისა და ჯაზის სინთეზით, დიპლომატების წინაშე ამერიკაში მცხოვრები მუსიკოსი გიორგი მიქაძე ფოლკლორულ ტრიოსთან ერთად წარსდგა პროექტით "Georgian Overtones"-ს , რომელიც ქართული ხალხური სიმღერის, კლასიკური ჯაზის და ფიუჟენის ერთობლიობაა.

საქართველოსა და სომხეთის საგარეო საქმეთა მინისტრებს შორის COVID-19-ის პანდემიასთან დაკავშირებით მორიგი კომუნიკაცია შედგა

5 ივნისი, 2020 , 17:15

დღეს გაიმართა საქართველოს საგარეო საქმეთა მინისტრის დავით ზალკალიანის სატელეფონო საუბარი სომხეთის რესპუბლიკის საგარეო საქმეთა მინისტრთან ზოჰრაბ მნაცაკანიანთან. სომეხმა კოლეგამ საქართველოს საგარეო საქმეთა მინისტრს მადლობა

იყო განხილული ჩემი კანდიდატურა თბილისის მაჟორიტარებს შორის - გიორგი ვაშაძე

5 ივნისი, 2020 , 16:35

გიორგი ვაშაძე დარწმუნებულია, რომ თბილისის მაჟორიტარულ ოლქებიდან ერთ-ერთში ოპოზიციის მხრიდან სწორედ "ახალი საქართველოს" კანდიდატი იქნება წარდგენილი. მისი თქმით, განიხილება მისი კანდიდატურა. ამის შესახებ "ახალი საქართველოს

არ ვაპირებ თავი მოვატყუებინო და ჭკუაში მოგვიგოს ბიძინა ივანიშვილმა იმით, რომ საფრთხობელად უნდა მუდმივად გამოიყენოს სააკაშვილის დაბრუნება - ნინო ბურჯანაძე

5 ივნისი, 2020 , 16:35

"არ არის გამორიცხული, რომ ყველა ოლქში შეთანხმება ვერ შედგეს და ჩვენც ყველა ოლქში არ დავუჭიროთ მხარი კანდიდატურებს, მაგრამ ესეც არ არის კატასტროფა,” - ამის შესახებ "ერთიანი საქართველო - დემოკრატიული მოძრაობის" თავმჯ

გიორგი ახვლედიანი პოლიტიკიდან მიდის

5 ივნისი, 2020 , 16:00

"დემოკრატიული მოძრაობა - ერთიანი საქართველოს" პოლიტსაბჭოს წევრი გიორგი ახვლედიანი პარტიას ტოვებს. ამბობს, რომ ეს გადაწყვეტილება მას შემდეგ მიიღო, რაც ერთ-ერთი ტელევიზიის ეთერში მასზე ცილისმწამებლური მასალა გავიდა. "ტვ პი

„ლელო საქართველოსთვის“ თამარ ჩუგოშვილს პოლიტიკური თანამშრომლობას სთავაზობს

5 ივნისი, 2020 , 12:30

საპარლამენტო უმრავლესობის ყოფილი წევრი, თამარ ჩუგოშვილი ადასტურებს, რომ „ლელო საქართველოსგან“ პოლიტიკური თანამშრომლობის შეთავაზება მიიღო. როგორც ჩუგოშვილმა „ინტერპრესნიუსს“ განუცხადა, პოლიტიკური თ

„გირჩი“ საპარლამენტო არჩევნებში მხოლოდ პარტიული სიით მიიღებს მონაწილეობას

5 ივნისი, 2020 , 11:57

„გირჩი“ წლევანდელ საპარლამენტო არჩევნებში მონაწილეობას მიიღებს მხოლოდ პარტიული სიით, – ამის შესახებ „გირჩის“ ლიდერი ზურაბ ჯაფარიძე სოციალურ ქსელში წერს. „გირჩიდან“ მე განვიხილებო

პირდაპირი TV

daily calendar

ვიდეო გალერეა

ქრისტე აღსდგა!