უკან

უახლესი ამბები

დღის კალენდარი

ანონსები

არქივი

პოლიტიკა

30 მაისი, 2017 17:35
font-size

საქართველოს ოკუპირებულ ტერიტორიებზე შექმნილ ვითარებასთან დაკავშირებით მომზადებული რეზოლუციის პროექტის განხილვა ხმაურის ფონზე მიმდინარეობდა

პარლამენტში საქართველოს ოკუპირებულ ტერიტორიებზე შექმნილ ვითარებასთან დაკავშირებით მომზადებული რეზოლუციის პროექტის განხილვაზე ხმაური იყო.

ტერიტორიული მთლიანობის აღდგენის საკითხთა კომისიის დღევანდელი სხდომა ნახევრად დახურულ ფორმატში წარიმართა.

ცნობილია რომ დოკუმენტი ერთი მხრივ, ოკუპირებულ ტერიტორიებზე არსებულ ვითარებას მიმოიხილავს, ხოლო მეორე მხრივ, საერთაშორისო თანამეგობრობასა და საქართველოს მთავრობას მიმართავს.

პარლამენტის დიასპორის საკითხთა კომიტეტის თავმჯდომარის პირველი მოადგილე სალომე ზურაბიშვილი საქართველოს ოკუპირებულ ტერიტორიებზე შექმნილ ვითარებასთან დაკავშირებით მომზადებული რეზოლუციის პროექტის მხარდაჭერას არ აპირებს.

,,მე არცერთ რეზოლუციას არ დავუჭერ მხარს, სანამ პარლამენტის წინაშე არ მოვა საგარეო საქმეთა მინისტრი და არ აგვიხსნის რა ზომები იქნა მიღებული ამასთან დაკავშირებით’’, - განაცხადა პარლამენტის წევრმა სალომე ზურაბიშვილმა.

რეზოლუციის მიღებაში გამოსავალს ვერ ხედავს "პატრიოტთა ალიანსის" წევრი ადა მარშანიაც.
კომისიის სხდომაზე მარშანიამ აღნიშნა, რომ მისი პოლიტიკური ძალა მზადაა, პირველი ნაბიჯი გადადგას, მოსკოვში წავიდეს, რუს დეპუტატებს შეხვდეს და დიალოგის ჯგუფი შეიქმნას.

"ამისთვის მორალურ მხარდაჭერას გთხოვთ", - განაცხადა მარშანიამ.

თავის მხრივ, რეზოლუციის პროექტის მომზადებას დაგვიანებულად მიიჩნევენ დეპუტატები სერგი კაპანაძე და რომან გოცირიძე.

სერგი კაპანაძის განცხადებით, „ევროპული საქართველო“ განიხილავს უმრავლესობის მიერ წარდგენილ რეზოლუციის პროექტს.

„მიუხედავად პოლიტიკური განსხვავებებისა, ჩვენი ვალდებულებაა, უმწვავესი შეფასებები მივცეთ იმას, რაც ოკუპირებულ ტერიტორიებზე ხდება. მიუხედავად იმისა, ვთანხმდებით თუ არა პოლიტიკაზე ამ მაგიდის ირგვლივ, ეს პრინციპული საკითხია პარლამენტმა კრიტიკული პოზიცია აუცილებლად უნდა დააფიქსიროს“, - განაცხადა სერგი კაპანაძემ.

ერთიანი ნაციონალური მოძრაობის“ წევრი რომან გოცირიძე კი აცხადებს, რომ რეზოლუციის მიღება დაგვიანებულია, თუმცა აუცილებელია.

„ეს არის სამწუხაროდ დაგვიანებული, მაგრამ რეზოლუციის მიღება აუცილებელია. მიგვაჩნია, რომ ამ ტექსტის საფუძველზე შეიძლება კომპრომისული დოკუმენტის შექმნა. მე გავეცანი მას და ეს იძლევა იმის საფუძველს, რომ პარლამენტმა მიიღოს რეზოლუცია ერთსულოვნად“, - განაცხადა რომან გოცირიძემ.

როგორი იქნება ბიძინა ივანიშვილის პოლიტიკური სერიალის ფინალური სერია

18 იანვარი, 2020 , 15:35

როგორი იქნება ბიძინა ივანიშვილის პოლიტიკური სერიალის ფინალური სერია - "მთავარი არხის" ინფორმაციით, ივანიშვილი მთავრობაში საკადრო ცვლილებებს გეგმავს. პრემიერ გახარიას თავად ივანიშვილი შეცვლის და მასთან ერთად, მეორედ დაბრუ

ქართველებს სურთ ბიზნესსაქმიანობის გაფართოება, სამართლიან არჩევნებში ხმის მიცემა, პასუხისმგებლიანი მედიის მოსმენა - კელი დეგნანი

18 იანვარი, 2020 , 12:00

ჩემთვის განსაკუთრებული პატივია, რომ საქართველოში აშშ-ის ელჩად შემარჩიეს. ეს არის ქვეყანა, რომელიც იზიარებს ამერიკის სიყვარულს თავისუფლებისა და დემოკრატიისადმი, – ამის შესახებ საქართველოში აშშ-ის ელჩმა, კელი დეგნანმ

გიორგი გახარია აშშ-ის ელჩ კელი დეგნანს ფიცის დადებას ულოცავს

18 იანვარი, 2020 , 11:25

საქართველოს პრემიერ-მინისტრი გიორგი გახარია აშშ-ის ელჩ კელი დეგნანს ფიცის დადებას ულოცავს. მთავრობის მეთაური აღნიშნავს, რომ საქართველოში აშშ-ის ახალი ელჩის ჩამოსვლა დამატებით დინამიკას შესძენს ორი ქვეყნის სტრატეგიულ პარტ

მე მართლა გული მწყდება, თუ სად აღმოჩნდა ბიძინა ივანიშვილი 7 წელში - მამუკა ხაზარაძე

17 იანვარი, 2020 , 15:25

გული მწყდება, როგორც ერთ-ერთ რიგით ქართველს, რომ საქართველო დღეს ასეთ მდგომარეობაშია, ამიტომ კომპრომისი არ იქნება , - ამის შესახებ პოლიტიკური გაერთიანება „ლელო საქართველოსთვის“ ლიდერმა მამუკა ხაზარაძემ საქალა

პარლამენტმა ნიკა მელიას ადგილმონაცვლედ ბადრი ბასიშვილის უფლებამოსილება სცნო

17 იანვარი, 2020 , 15:16

პარლამენტმა ბადრი ბასიშვილის უფლებამოსილების ცნობის თაობაზე დადგენილების პროექტს მხარი დაუჭირა. დადგენილების პროექტს მხარი 75-მა დეპუტატმა დაუჭირა, 2 კი წინააღმდეგ წავიდა. ბადრი ბასიშვილი პარლამენტში ნიკა მელიას ადგილმონ

ეკა ბესელია სტრასბურგის ადამიანის უფლებათა სასამართლოს მოსამართლეების არჩევის კომიტეტის სხდომაში მონაწილეობს

17 იანვარი, 2020 , 14:24

პარლამენტის დამოუკიდებელი წევრი, პარტია „სამართლიანობისთვის“ თავმჯდომარე ეკა ბესელია მონაწილეობას იღებს სტრასბურგის ადამიანის უფლებათა სასამართლოს მოსამართლეების არჩევის კომიტეტის სხდომაში, რომელიც პარიზში იმ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`