უკან

უახლესი ამბები

დღის კალენდარი

ანონსები

არქივი

ეკონომიკა

12 ივლისი, 2018 15:35
font-size

საქართველოში მევახშეობა გამოცხადდეს ამორალურ მოვლენად - დავით ასათიანი ჭარბვალიანობაზე

საქართველოს ადვოკატთა ასოციაციის ხელმძღვანელმა, დავით ასათიანმა საქართველოში ჭარბვალიანობისა და ე.წ. მევახშეობის პრობლემაზე საუბრისას აღნიშნა, რომ არანორმალურია, როცა ნახევარ-მილიონზე მეტი მოქალაქე კაბალურ მდგომარეობაში იმყოფება.

მან ევროპული ქვეყნების მაგალითი მოიყვანა, სადაც მევახშეობა კანონსაწინააღმდეგო ქმედებად მიიჩნევა. ასათიანის თქმით, ამ გამოცდილებით საქართველომაც უნდა ისარგებლოს, რათა გამოაცხადოს მევახშეობა „ამორალურ მოვლენად“.

„კარგია, რომ მთავრობამ დაიწყო ამ თემაზე დისკუსია, გარკვეული კანონპროექტები და ინიციატივები უკვე არსებობს. ჩვენ მოვუწოდებთ, მეტი აქტიურობისაკენ და რადიკალური ცვლილებებისკენ. ევროპულ მოდელებში მევახშეობა არის, როგორც კანონსაწინააღმდეგო და ამორალური მოვლენა, რადგანაც როდესაც მევახშეობაში არის არაპროპორციულად მაღალი საპროცენტო განაკვეთები, რომელიც იწვევს ადამიანების მთლიან გაღარიბებას და რეალურად არანაირი კავშირი არ აქვს ეკონომიკურ სასესხო ურთიერთობების რეგულაციებთან. ამაზეა აქ საუბარი, რომ მევახშეობა გამოცხადდეს ამორალურ მოვლენად“, – განაცხადა ასათიანმა.

მისი თქმით, ამ მიმართულებით მუშაობა უკვე დაწყებულია, თუმცა, ეს საკმარისი არ არის.

„საკანონმდებლო დონეზე არის უკვე გარკვეული წინადადებები მთავრობის მიერ წარდგენილი. კარგია, რომ მუშაობა დაწყებულია, თუმცა კიდევ ერთხელ ვაფიქსირებთ, რომ ეს არ არის საკმარისი სამართლებრივი მექანიზმები. ჩვენ მოვუწოდებთ ხელისუფლებას უფრო რადიკალური და უფრო თამამი ნაბიჯების გადადგმისკენ, რათა მოხდეს იმ ბალანსის აღდგენა საკრედიტო დაწესებულებებსა და კერძო პირებს, მსესხებლებს შორის, რომელიც ცივილიზებულ ქვეყნებში უნდა არსებობდეს“, – განაცხადა ასათიანმა.

მისი თქმით, ადვოკატები ხშირად აწყდებიან შემთხვევებს, როცა ხშირად შეუძლებელია მსესხებლებისთვის სამართლებრივი დახმარების აღმოჩენა, რადგან უფლებრივი ბალანსი იმდენად არის გადახრილი საკრედიტო დაწესებულების სასარგებლოდ.

„მთელი ბოლო 10 წლის განმავლობაში იმდენად ხორციელდებოდა მხოლოდ საკრედიტო დაწესებულებების სასარგებლო ცვლილებების განხორციელება, რომ ეს ხალხი ფაქტობრივად ამოვარდნილია ყველანაირი ეკონომიკური ცხოვრებიდან. როცა სისტემაში ერთი ჯგუფი ადამიანების ან ბიზნესების იღებს უდიდეს მოგებას, მაშინ როცა დიდი ნაწილი ადამიანებისა ღარიბდება, ეს ნიშნავს, რომ სისტემა არ მუშაობს, ხარვეზიანია და რადიკალური რეფორმები სჭირდება“, - დასძინა ასათიანმა.

დღეს საქართველოს ადვოკატთა ასოციაციის ორგანიზებით, ჭარბვალიანობასა და სასესხო-საკრედიტო რეგულაციებთან დაკავშირებით მრგვალი მაგიდა გაიმართა, რომელიც ასოციაციის თავმჯდომარემ, დავით ასათიანმა გახსნა. შეხვედრაზე ასოციაციამ სასესხო-საკრედიტო საკითხებზე სამართლებრივი მექანიზმების დახვეწის მიზნით, წინადადებები წარადგინა.

აზიის განვითარების ბანკი საქართველოში 1,5 მილიარდიანი საინვესტიციო პორტფელის გაფართოებას გეგმავს - გიორგი ქობულია

26 სექტემბერი, 2018 , 15:35

აზიის განვითარების ბანკი (ADB) საქართველოში საინვესტიციო პორტფელის გაფართოებას გეგმავს, - ამის შესახებ საქართველოს ეკონომიკისა და მდგრადი განვითარების მინისტრმა გიორგი ქობულიამ და აზიის განვითარების ბანკის მუდმივი წარმომ

ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულების ფასიანი ქაღალდები გაიყიდა

26 სექტემბერი, 2018 , 15:00

საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგს აქვეყნებს: 2018 წლის 26 სექტემბერს, ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულების 5-წლ

სამედიცინო კანაფის კულტივაცია ნარკოტიკული საშუალების კულტივაციას არ ნიშნავს - კახა კუჭავა

26 სექტემბერი, 2018 , 13:20

საქართველოს პარლამენტის გარემოს დაცვის კომიტეტის თავმჯდომარის, კახა კუჭავას განცხადებით, კანაფის წარმოება-კულტივაციასთან დაკავშირებით გადაწყვეტილი არაფერია და საკითხზე მსჯელობა გაგრძელდება. როგორც კუჭავამ ჟურნალისტებს გა

საქართველოს კომერციული ბანკების მთლიანი აქტივები ერთ თვეში 1.4 მლრდ ლარით გაიზარდა

26 სექტემბერი, 2018 , 11:00

საქართველოს ეროვნული ბანკი კომერციული ბანკების აქტივების მდგომარეობის შესახებ ინფორმაციას აქვეყნებს: 2018 წლის პირველი სექტემბრის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 1

ეროვნული ბანკი დეპოზიტების მიმდინარე ტენდენციების შესახებ ინფორმაციას აქვეყნებს

26 სექტემბერი, 2018 , 11:00

საქართველოს ეროვნული ბანკი დეპოზიტების მიმდინარე ტენდენციების შესახებ ინფორმაციას აქვეყნებს: საბანკო სექტორში განთავსებული არასაბანკო დეპოზიტების მოცულობამ 2018 წლის პირველი სექტემბრისათვის 21.5 მლრდ ლარი შეადგინა, რაც 1

კომერციული ბანკების საკრედიტო დაბანდების მოცულობა ერთ თვეშუ 965.0 მლნ ლარით გაიზარდა

26 სექტემბერი, 2018 , 11:00

საქართველოს ეროვნული ბანკი კომერციული ბანკების საკრედიტო დაბანდების შესახებ ინფორმაციას აქვეყნებს: კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), 2018 წლის აგვისტოში წინა თ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`