უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
საქმეში ორი დანა ფიგურირებს, რაც დადასტურებულია ექსპერტიზის დასკვნით, სხვა დასკვნებითაც და მოწმეების ჩვენებითაც - ხორავას ქუჩის საქმის პროკურორი
საქალაქო სასამართლოში ხორავას ქუჩაზე მოკლული მოზარდების საქმეზე სასამართლო პროცესი გაიმართა. დაიკითხა 6 მოწმე, მათ შორის არიან ირიბი მოწმეები, რომლებიც უშუალოდ არ მონაწილეობდნენ ინციდენტში, თუმცა, როგორც მოკლული მოზარდების მეგიობრებს, აქვთ ინფორმაცია მოვლენების განვითარების შესახებ.
პროცესის დასრულების შემდეგ საქმის პროკურორმა, ზვიად ფხაკაძემ განაცხადა, რომ მკვლელობაში ორი დანა ფიგურირებს, ერთ-ერთი მათგანით კი მოხდა დავით სარალიძისთვის სასიკვდილო ჭრილობის მიყენება.
„იდენტიფიცირებულია ის დანა, რომლითაც მოხდა დავით სარალიძეზე სასიკვდილო ჭრილობის მიყენება, მაგრამ არ მინდა გაგებული იყოს, თითქოს მხოლოდ ეს ჭრილობა იყო სასიკვდილო. დავით სარალიძეზე არის რამდენიმე დაზიანება გულმკერდისა და მუცლის ღრუს არეში. ექსპერტის დასკვნით დასტურდება, რომ შესაძლებელია ეს დაზიანებები გამოწვეული ყოფილიყო არამარტო ამ დანით, რომელმაც სასიკვდილო დაზიანება გამოიწვია, არამედ სხვა დანითაც, მათ შორის იმ დანით, რაც გამოძიების სტადიაზე იქნა ამოღებული. ამ ექსპერტიზის დასკვნით, არ დგინდება და ვერც დადგინდება თუ რამდენი დანა იყო გამოყენებული. ექსპერტიზა გვეუბნება შესაძლებობას, ჭრილობისას რა სახის დანა ან მჩხვლეტავი საგანი შესაძლოა ყოფილიყო გამოყენებული. მაგრამ საქმეში ორი დანა რომ ფიგურირებს, დადასტურებულია არა მხოლოდ ამ დასკვნით, არამედ სხვა დასკვნებითაც და მოწმეების ჩვენებითაც“, - განაცხადა პროკურორმა.
ფხაკაძის თქმით, ის შეხვდა დავით სარალიძის მამას, ზაზა სარალიძეს, რომელსაც განუმარტა ექსპერტიზის შედეგები.
როგორც ზაზა სარალიძემ 2 დღის წინ განაცხადა, ექსპერტიზის დასკვნა არის ბუნდოვანი და მის მიხედვით შეუძლებელია კონკრეტული დამნაშავის დადგენა.
ცნობისთვის, ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, მომდევნო დღეს საავადმყოფოში დაიღუპა.