უახლესი ამბები
არქივი
კომენტარი
სასიამოვნო ქურდობა! - რომან გოცირიძე მთავრობის მცირე მეწარმეებისათვის შეღავათის დაწესების შესახებ
სასიამოვნო ქურდობა! - ასე ეხმაურება "ნაციონალური მოძრაობის" წევრი, დეპუტატი რომან გოცირიძე პრემიერის მიერ მთავრობის დღევანდელ სხდომაზე გაკეთებულ განცხადებას, რომელიც მცირე მეწარმეებისთვის ბრუნვის გადასახადის შემცირებას ეხებოდა.
"სასიამოვნო ქურდობა!
ჩემს მიერ ინიცირებული კანონპროექტი მცირე მეწარმეებისათვის შეღავათის დაწესების შესახებ პარლამენტმა ჩააგდო, ახლა იგივე შემოაქვთ საკუთარი სახელით:))
ვუთხარი პარლამენტის ტრიბუნიდან, დავდებ ამ კანონს და როცა გააცნობიერებთ, მოიპარავთ მეთქი:)
ასევე ჩააგდეს ჩემი კანონპროექტი ზოგიერთი სახის ეკონომიკური დანაშულზე სისხლის სამართლებრივი პასუხისმგებლბის ნაცვლად ადმინისტრაციულ პასუხისგებაში მიცემის შესახებ, ისევე როგორც შემოსავლების დამალვაზე სისხლისამართლებრივი დევნის 50 ათასი ლარის ოდენობის ზღვრის აწევის შესახებ. ესენიც მოიპარეს. მთლად ბოლომდე კარგად ვერ აკეთებენ, მაგრამ ხომ ვაიძულებთ რომ გააკეთონ?
კიდევ ბევრი კანონპროექტი გვაქვს რეზერვში.
როდესაც საზოგადოებრივი აზრი მომწიფება, ხელისუფლება იძულებული ხდება დაემორჩილოს. ამ აზრს კი ჩვენი ინიციატივებით და ზეწოლით ვამწიფებთ," - წერს რომან გოცირიძე.