პოლიტიკა

სასოფლო-სამეურნეო დანიშნულების მიწებზე მიღებული გადაწყვეტილება მათ გაიაფებას არ გამოიწვევს - ოთარ დანელია

საქართველოს პარლამენტის აგრარულ საკითხთა კომიტეტის თავმჯდომარის, ოთარ დანელიას განცხადებით, სასოფლო-სამეურნეო დანიშნულების მიწებზე მიღებული გადაწყვეტილება მათ გაიაფებას არ გამოიწვევს.

„საუბარი იმის შესახებ, რომ სასოფლო-სამეურნეო მიწებთან დაკავშირებით მიღებული გადაწყვეტილება მიწების გაიაფებას გამოიწვევს, საფუძველს მოკლებულია“, - განაცხადა დეპუტატმა პარლამენტის პლენარულ სხდომაზე.

დანელიამ მაგალითად მოიყვანა, რომ მიწის ფასები 2013 წლამდე ბევრად იაფი იყო, სანამ მორატორიუმი გამოცხადდებოდა. მან აღნიშნა, რომ სახელმწიფო ხელს შეუწყობს ქართულ-უცხოურ საერთო ინვესტიციებს, რომელთა მოზიდვაც იჯარის წესით იქნება შესაძლებელი.

შეგახსენებთ, პარლამენტში პირველი მოსმენით განიხილავენ ინიციატივას, რომ უცხო ქვეყნის მოქალაქეებზე ქართული სასოფლო-სამეურნეო დანიშნულების მიწები არ გაიყიდოს.

ანა მებურიშვილი