პოლიტიკა

სატელევიზიო დებატებში დავსხდეთ და პირობას გაძლევ, ფეხბურთშიც შეგეჯიბრები - ალეკო ელისაშვილი კახა კალაძეს დებატებში იწვევს (ვიდეო)

თბილისის მერობის დამოუკიდებელმა კანდიდატმა ალეკო ელისაშვილმა კიდევ ერთხელ მიიწვია სატელევიზიო დებატებში „ქართული ოცნების“ მერობის კანდიდატი კახა კალაძე, ოღონდ იმ პირობით, რომ შემდგომ მასთან ფეხბურთშიც შეეჯიბრება. ელისაშვილმა შესაბამისი ვიდეო ფეისბუკის საკუთარ გვერდზე ატვირთა.

„გიწვევ დებატებში. ნებისმიერ სატელევიზიო დებატებში დავსხდეთ, თბილისზე ვიდებატოთ და მერე, პირობას გაძლევ, აირჩიე სტადიონი და ნებისმიერ სტადიონზე ფეხბურთში შეგეჯიბრები. ამას ვამბობ სრული პასუხისმგებლობით.

მოკლედ, ველოდები დებატების ადგილსა და სტადიონს“,- განაცხადა ელისაშვილმა.

ელისაშვილის განმარტებით, სატელევიზიო დებატები კარგი საშუალებაა, რომ კონკურენტებმა თანაბარ პირობებში იმსჯელონ თბილისის პრობლემებზე.

ალეკო ელისაშვილმა ანალოგიური მოთხოვნით კახა კალაძეს ორშაბათს მიმართა, თუმცა „ქართული ოცნების“ კანდიდატმა მას უარით უპასუხა.

ანა მებურიშვილი