პოლიტიკა

სერგი გვარჯალაძის ხელფასი 4 ათას ლარზე მეტია - საკრებულოს ფრაქცია „ნაციონალური მოძრაობა“ ღამის ეკონომიკის მიმართულების გაუქმებას ითხოვს

საკრებულოს ფრაქცია „ნაციონალური მოძრაობის“ წევრმა, ირაკლი ნადირაძემ თბილისის მერიის ღამის ეკონომიკის გაუქმება მოითხოვა. მისი განმარტებით, სამსახური ფიქციურია. საკრებულოს ოპოზიციონერი დეპუტატის თქმით, ამას ადასტურებს ის ფაქტი, რომ 12 მაისის ღამეს, როცა სპეცრაზმი კლუბებში შევიდა, ღამის ეკონომიკის მიმართულების ხელმძღვანელ სერგი გვარჯალაძეს კახა კალაძის ნომერიც არ ჰქონდა.

„ბოლო დღეებში განვითარებულმა მოვლენებმა კიდევ ერთხელ დაადასტურა, რომ ეს არის აბსოლუტურად ქმედუუნარო დამატებითი ბიუროკრატია მერიაში, რომელიც ისედაც გაბერილია და ის ადამიანი, რომელსაც კახი კალაძემ თავის ტელეფონის ნომერიც არ ანდო, იღებს 4 ათას ლარზე მეტ ხელფასს. შესაბამისად ასეთი ადამიანი, ასეთ გაბერილი ბიუროკრატია, როგორიც არის ღამის ეკონომიკის მიმართულება და სამინისტრო მერიაში, ამ ქალაქს ნამდვილად არ სჭირდება“, - თქვა ნადირაძემ.