პოლიტიკა

შალვა ნათელაშვილის შეფასებით, სალომე ზურაბიშვილის განცხადებები 2008 წლის ომზე გამოსწორებას არ ექვემდებარება

„საქართველოს ლეიბორისტული პარტიის“ პრეზიდენტობის კანდიდატი, შალვა ნათელაშვილი მისი ოპონენტის, სალომე ზურაბიშვილის იმ განცხადებას გამოეხმაურა, რომლის თანახმად, 2008 წლის აგვისტოს ომი რუსეთმა დაიწყო, ხოლო საქართველო პროვოკაციას წამოეგო.

ნათელაშვილის თქმით, 2008 წლის ომთან დაკავშირებით სალომე ზურაბიშვილის განცხადებები პოლიტიკური გადაცდომაა და მისი თქმით, ამ საკითხთან დაკავშირებით გაკეთებული განცხადებები გამოსწორებას არ ექვემდებარება.

ნათელაშვილმა „ქართული ოცნებაც“ გააკრიტიკა სალომე ზურაბიშვილის მხარდაჭერის გამო.

ცნობისთვის, საარჩევნო პროგრამის დღევანდელ პრეზენტაციამდე სალომე ზურაბიშვილი აცხადებდა, რომ ომი საქართველომ დაიწყო, ხოლო ცხინვალის „საკუთარი მოსახლეობა“ ქართულმა მხარემ დაბომბა.