უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
შსს-ის თანამშრომლის თქმით, ხორავას ქუჩაზე მომხდარი მკვლელობის მოწმეთა ნაწილი არ დაკითხულა
თბილისის პოლიციის დეპარტამენტის დეტექტივ-გამომძიებელმა კახა სირაძემ დაკითხვის დროს აღიარა, რომ გამოძიებას არ დაუკითხავს ხორავას ქუჩაზე მომხდარი მკვლელობის მოწმეთა ნაწილი.
თავდაპირველად ამ საკითხით ხორავას ქუჩის საქმის შემსწავლელი დროებითი საპარლამენტო საგამოძიებო კომისიის წევრი ირაკლი აბესაძე დაინტერესდა. მან სირაძესა და საქმის პროკურორ ზვიად ფხაკაძეს ჰკითხა, დაკითხეს თუ არა ის მოწმეები, რომლებიც მედიასთან მიცემულ კომენტარში ამბობდნენ, რომ დაინახეს, რაც მოხდა. დეპუტატმა ინიციალებითაც დააკონკრეტა, ვისზე იყო საუბარი. ამაზე სირაძემ პირდაპირ პასუხს თავი აარიდა. ამის შემდეგ კი იმავე კითხვით უკვე კომისიის თავმჯდომარემ, სერგი კაპანაძემ, მიმართა და სთხოვა, გაეხსენებინა, დაკითხეს თუ არა სწორედ ის პირები, რომლებიც ინტერვიუში ამბობენ, რომ დაინახეს, რა მოხდა.
„საქმეში ამ ორი ადამიანის ჩვენება არ არის და ბატონი ირაკლი გეკითხებათ, რომ ეს ხალხი დაკითხული იყო და საქმეში მათი ჩვენება არ არის, თუ არ იყო დაკითხული, თუ არ იყო დაკითხული, რატომ არ იყო დაკითხული“,- განაცხადა კაპანაძემ.
სირაძემ უპასუხა, რომ მისთვის გაუგებარია, რას შეცვლიდა აღნიშნული პირების დაკითხვა.
„რას შეცვლიდა ისეთს ან თუ დაიკითხებოდა, იმავე დღეს არ დაიკითხებოდა, რამდენიმე დღის შემდეგ დაიკითხებოდა. რას მისცემდა ისეთ რაღაც გარემოებებს, რაც ძიების მიმდინარეობისას ცნობილი არ გახდებოდა ან რაღაცას შეცვლიდა“, - განაცხადა შსს-ის თანამშრომელმა.