პოლიტიკა

შუქნიშნები, პარკინგი, სატრანსპორტო პოლიტიკა - ესაა მოსაწესრიგებელი

თბილისის მერის, კახა კალაძის განცხადებით, სატრანპორტო მოძრაობასთან დაკავშირებული პრობლემები ქალაქში მოსაწესრიგებელია.

„რაც შეეხება შუქნიშნებს, პარკინგს, სატრანსპორტო პოლიტიკას, ძალიან მნიშვნელოვანი მიმართულებაა. ეს არის მოსაწესრიგებელი, მე მგონი, ამაზე ყველა ვთანხმდებით, რადგან არის ერთ-ერთი სერიოზული პრობლემა ქალაქში. საცობები, საცობებისგან განტვირთვა, საპარკინგე ადგილების გამოყოფა, შექნიშნების სწორად მუშაობა, მიწისქვეშა პარკინგების მოწყობა, მიწისზედა ტრანპორტის განახლება - ეს არის საკმაოდ კომპლექსური პრობლემა, რომელიც დღეს დედაქალაქში გვაქვს, მაგრამ გარწმუნებთ, რომ ყველაფერი არის მოგვარებადი", - უპასუხა კალაძემ ე.წ. ჭკვიან შუქმნიშნებზე დასმულ კითხვაზე.