სამართალი

შვედეთში საქართველოს მოქალაქის დანაწევრებული სხეული იპოვეს

შვედეთში საქართველოს მოქალაქე მოკლეს. ახალგაზრდა მამაკაცის დანაწევრებული სხეულის ნაწილები ქალაქ კალიქსში ადგილობრივებმა მდინარის ნაპირზე აღმოაჩინეს.

სამართალდამცავებმა მკველობის ფაქტზე ერთი პირი დააკავეს. დაკავებული ბრალს ნაწილობრივ აღიარებს.

მისი მტკიცებით, მკვლელობა მან თავდაცვის მიზნით ჩაიდინა.

შვედეთის პროკურატურამ მკვლელობის გამოძიებასთან დაკავშირებით საქართველოს შინაგან საქმეთა სამინისტროს მოკლული საქართველოს მოქალაქის შესახებ დამატებითი ინფორმაციის მიწოდება სთხოვა. კომუნიკაცია ქვეყნის ძალოვან უწყებებს შორის "საერთაშორისო საპოლიციო თანამშრომლობის ფარგლებში" ხდება.

მოკლულის ვინაობას სამართალდამცველები ამ დრომდე არ ახმაურებენ.