მსოფლიო

სირიის აღმოსავლეთ ღუტაში ბოლო 48 საათის განმავლობაში 250 მშვიდობიანი მოქალაქე დაიღუპა

სირიის აღმოსავლეთ ღუტაში დაბომბვისა და საჰაერო თავდასხმების შედეგად, ბოლო 48 საათის განმავლობაში 250 მშვიდობიანი მოქალაქე დაიღუპა. ინფორმაციას ამის შესახებ CNN სირიის ადამიანის უფლებათა ობსერვატორიის ინფორმაციაზე დაყრდნობით ავრცელებს.

მათივე თქმით, გარდაცვლილთა შორის 58 ბავშვი და 42 ქალია.

სირიის რეჟმის მიერ განხორცილებული ავიაიერიშების შედეგად დამასკოს გარეუბანში დაჭრილთა რიცხვმა კი 1200-სს გადაამეტა. აქ მოსახლეობა მუდმივი დაბომბვის საფრთხის ქვეშ იმყოფება.

ობსერვატორიისვე ცნობით, სამშაბათს სულ მცირე 106 მოქალაქე დაიღუპა.

მონიტორინგის ჯგუფის განცხადებით, 2013 წელს აღმოსავლეთ ღუტაზე მომხდარი ქიმიური დარტყმის შემდეგ, ეს გარდაცვლილების ყველაზე მაღალი მაჩვენებელია. მაშინ დაღუპულთა რიცხვი, დაახლოებით, 1400 იყო.