პოლიტიკა

სოფიო ქაცარავა ნიდერლანდების ელჩს შეხვდა

პარლამენტის საგარეო ურთიერთობათა კომიტეტის თავმჯდომარე, სოფიო ქაცარავამ ნიდერლანდების სამეფოს საგანგებო და სრულუფლებიანი ელჩი საქართველოში იოჰანეს დუმა მიიღო.

ოფიციალური ცნობით, გაცნობითი ხასიათის შეხვედრაზე, მხარეებმა ორ ქვეყანას შორის არსებული ურთიერთობები და სამომავლო თანამშრომლობის პერსპექტივები განიხილეს. ასევე, მიმოიხილეს საქართველოს ევროკავშირში ინტეგრაციის აქტუალური საკითხები. ელჩმა შეხვედრაზე საქართველოს ევროპული მისწრაფებებისადმი მხარდაჭერა გამოხატა. იგი ასევე დაინტერესდა, თუ რა მოლოდინები აქვს საქართველოს აღმოსავლეთ პარტნიორობის პროგრამის ფარგლებში.

სოფიო ქაცარავას თქმით, საქართველოსა და ნიდერლანდების სამეფოს შორის ურთიერთობები ინტენსიურად ვითარდება, როგორც ორმხრივ, ისე მრავალმხრივ ფორმატში. მხარეებმა საპარლამენტო დიპლომატიის გააქტიურებასა და ორ ქვეყანას შორის ეკონომიკური ურთიერთობების გაღრმავებაზე ისაუბრეს. ყურადღება გამახვილდა საქართველოს პარლამენტის მიერ საგარეო პოლიტიკის შესახებ ახლახან მიღებულ რეზოლუციაზე.