სამართალი

სუს-მა კიდევ ერთხელ უხეშად დაარღვია თემირლან მაჩალიკაშვილის უდანაშაულობის პრეზუმფცია - ადვოკატი

„ადამიანის უფლებების სწავლებისა და მონიტორინგის ცენტრი" სახელმწიფო უსაფრთხოების სამსახურს მოუწოდებს, დაიცვას უდანაშაულობის პრეზუმფციის პრინციპი.

ორგანიზაციის განმარტებით, კონტრტერორისტული ცენტრის უფროსის, ირაკლი ჩიმაკაძის მიერ „კვირის პალიტრასთან“ გაკეთებული განცხადებები ადასტურებს, რომ ეს უწყება აგრძელებს თემირლან მაჩალიკაშვილის დისკრედიტაციას. საქმე ეხება ინტერვიუს, რომელშიც ჩიმაკაძემ ისაუბრა მაჩალიკაშვილის სახელზე ფიქსირებულ ფულად გზავნილებსა თუ სატელეფონო ზარზე, რომელიც განხორციელდა ჩატაევის მიერ მაჩალიკაშვილის სახელზე გაფორმებულ ნომერზე.

„ინფორმაცია, რომელსაც აწვდიან საზოგადოებას, თემირლან მაჩალიკაშვილის ადვოკატები დიდი ხანია ვითხოვთ, სისხლის სამართლის მასალების გაცნობას, დაშვებას ამ მასალებზე, თუმცა სუს-ი და პროკურატურა არ გვაძლევს ამ შესაძლებლობას.

სუს-მა კიდევ ერთხელ უხეშად დაარღვია თემირლან მაჩალიკაშვილის უდანაშაულობის პრეზუმფცია. ინტერვიუში მითითებული არცერთი ინფორმაცია დამოუკიდებლად არ ადასტურებს თემირლან მაჩალიკაშვილის რაიმე დანასაულებრივ ქმედებას“, -განაცხადა მალხაზ მაჩალიკაშვილის ადვოკატმა ქეთი ჩუთლაშვილმა.

გარდა ამისა, EMC მიმართავს მთავარ პროკურატურასაც, უზრუნველყოს თემირლან მაჩალიკაშვილის საქმეზე ეფექტიანი, დროული და დამოუკიდებელი გამოძიების ჩატარება და დამნაშავე პირების დასჯა.

საკვანძო სიტყვები:

პროკურატურამ ზვიად კუპრავას ბრალდება წარუდგინა

2 ოქტომბერი, 2025 , 18:54

პროკურატურამ სახელმწიფო ხელისუფლების დამხობისკენ მოწოდების და ხელისუფლების წარმომადგენლის მიმართ წინააღმდეგობის ფაქტზე ზვიად კუპრავას ბრალდება წარუდგინა. პროკურატურის ინფორმაციით, ბრალდება სასჯელის სახედ და ზომად ექვს წლ

თბილისის სააპელაციო სასამართლომ გიორგი ბაჩიაშვილის საჩივარი არ დააკმაყოფილა

2 ოქტომბერი, 2025 , 18:49

თბილისის სააპელაციო სასამართლომ თანაინვესტირების ფონდის ყოფილი დირექტორის, გიორგი ბაჩიაშვილის სააპელაციო საჩივარი არ დააკმაყოფილა. გადაწყვეტილება სასამართლო კოლეგიამ მიიღო, რომელსაც ლაშა თავართქილაძე თავმჯდომარეობდა. ბაჩ

შსს-მ სხვისი კუთვნილი დიდი ოდენობით თანხის მითვისების ბრალდებით სომხეთის მოქალაქე დააკავა, უკრაინის მოქალაქეს კი დაუსწრებლად წარუდგინეს ბრალი

2 ოქტომბერი, 2025 , 11:14

შსს-მ სამსახურებრივი მდგომარეობის გამოყენებით, სხვისი კუთვნილი დიდი ოდენობით თანხის მითვისების ბრალდებით, სომხეთის მოქალაქე დააკავა, უკრაინის მოქალაქეს კი ბრალი დაუსწრებლად წარუდგინეს. აღნიშნულის შესახებ ნათქვამია საქართ