პოლიტიკა
თანამდებობის პირთა ანაზღაურება არ იზრდება - ბექა დავითულიანი
მერიაში მიმდინარე სტრუქტურული ცვლილებებით თანამდებობის პირთა ანაზღაურება არ იზრდება, - ამის შესახებ განცხადება დღეს გამართულ ბრიფინგზე თბილისის საკრებულოს ფრაქცია „ქართული ოცნება - დემოკრატიული საქართველო“-ს თავმჯდომარემ ბექა დავითულიანმა გააკეთა.
მისი თქმით, მიმდინარე რესტრუქტურიზაცია და საჯარო მოსამსახურეთა თანამდებობრივი სარგოების განსაზღვრა ორი სხვადასხვა საკითხია, რომელთან დაკავშირებითაც, ოპონენტები მოსახლეობის შეცდომაში შეყვანას ცდილობენ.
ბექა დავითულიანის განცხადებით, წარმოდგენილი ცვლილებებით, თანამდებობის პირთა ანაზღაურება არ იზრდება და საჯარო მოხელეები ყოველთვიური ანაზღაურების სახით ზუსტად იმდენივეს მიიღებენ, რამდენსაც ამ ცვლილებებამდე იღებდნენ. ბექა დავითულიანის განმარტებით, ახალი კანონის მოთხოვნების შესაბამისად, იცვლება ანაზღაურების სახელი და არა ოდენობა.
ფრაქცია „ქართული ოცნება - დემოკრატიული საქართველო“-ს თავმჯდომარემ მერიის სტრუქტურულ რეფორმასთან დაკავშირებითაც ისაუბრა და განცხადა, რომ თბილისის მუნიციპალიტეტი იმ საარჩევნო პროგრამულ პრიორიტეტებს მიჰყვება, რომელთაც თბილისის მოსახლეობამ მხარი დაუჭირა და რომელთა შორის მმართველობითი, ინსტიტუციური რეფორმა ერთ-ერთი მნიშვნელოვანი მიმართულება იყო.
ბექა დავითულიანის თქმით, წარმოდგენილი რესტრუქტურიზაციის მიზანი ბიუროკრატიული პროცედურების გამარტივება, მომსახურების ხარისხის გაუმჯობესება და მერიის სამსახურების ეფექტიანობის გაზრდაა. მისივე თქმით, ამ ცვლილებების შედეგად, შესაბამისი სამსახურები იძენენ არა უბრალოდ ტექნიკური აღსრულების, არამედ პოლიტიკის განსაზღვრის ფუნქციასაც.
შეგახსენებთ, რომ გუშინ გამართულ პრეზენტაციაზე თბილისის მერმა, კახა კალაძემ მერიაში სტრუქტურული რეფორმირების პროცესის დაწყებაზე ისაუბრა. აღნიშნულ ცვლილებებს დღეს თბილისის საკრებულოს სხდომაზე განიხილავენ.
საკვანძო სიტყვები:
ევროპარლამენტის რეზოლუციებმა საერთოდ დაკარგა ფასი ქართული საზოგადოებისთვის, კეზერაშვილს საწყალ დევნილად როცა გიცხადებენ, ევროპარლამენტარის განცხადებას ფასი ვერ ექნება - ირაკლი კობახიძე
23 აპრილი, 2024 , 18:13
ჩვენს ფეხბურთელებს არ აკლიათ მოტივაცია, თუმცა დამატებითი მხარდაჭერა არის ძალიან ფასეული, მადლობა ფონდ „ქართუსა“ და პირადად ბიძინა ივანიშვილს - ირაკლი კობახიძე
23 აპრილი, 2024 , 17:47
ყველას ახსოვს დღევანდელი რადიკალური ოპოზიციის დამოკიდებულება მედიისადმი, რომლის კულმინაცია იყო „იმედში“ სპეცრაზმით შეჭრა - ირაკლი კობახიძე
23 აპრილი, 2024 , 17:41
კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
23 აპრილი, 2024 , 17:34
კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
23 აპრილი, 2024 , 17:26
ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
23 აპრილი, 2024 , 17:21
