საზოგადოება

ტაქსების ლიცენზირების პროცესს ვერაფერი შეაჩერებს - კახა კალაძე

ტაქსების ლიცენზირების პროცესს ვერაფერი შეაჩერებს და ვერაფერი აღუდგება წინ, - განაცხადა თბილისის მერმა, კახა კალაძემ და აღნიშნულით გამოეხმაურა მედიაში გავრცელებულ ინფორმაციას, რომლის თანახმადაც, თითქოსდა მან გააკეთა განცხადება იმასთან დაკავშირებით, რომ ლიცენზირების პროცესში აუცილებლად მოხდება ტაქსის მძღოლების წარსულის გადამოწომება.

,,ეს არის დიდი სიცრუე და ტყუილი. მე ყოველთვის ვამბობ და ახლაც გავიმეორებ: არავის მივცემთ იმის შესაძლებლობას, რომ დედაქალაქის მოსახლეობა და ზოგადად ქვეყნის მოსახლეობა შეიყვანოს შეცდომაში. არის უამრავი შესაძლებლობა იმისა, რომ ჩვენ მოსახლეობას მივაწოდოთ სწორი და ზუსტი ინფორმაცია.

რატომ გადავწყვიტე ამაზე გამეკეთებინა რეაგირება? იმიტომ რომ ამას უყურებს მოსახლეობა, ისმენენ ადამიანები, ვინც დაკავებულია ყოველდღიურ მუშაობით, არის მძღოლები და მათი პროფესია არიას „ტაქსაობა“.

რაც შეეხება ჩვენს რეფორმას, რომელიც დავაანონსეთ, ეს არის ძალიან მნიშვნელოვანი იმისთვის, რომ დავარეგულიროთ ეს მიმართულება და მწყობრში მოვიყვანოთ, შესაბამისად ლიცენზირებაზე როცა ვსაუბრობთ, ყველა ნორმალურ, განვითარებულ ქვეყანაში ეს არის მიღებული და ნორმალური პროცესი. რა თქმა უნდა, ახალს არაფერს ვიგონებთ და ამ რეფორმას განვახორციელებთ ეტაპობრივად. პირველი, ეს არის ლიცენზირება, აღირიცხოს თუ რა რაოდენობა არის ქვეყანაში. რა თქმა უნდა, როგორც ყველა განვითარებულ ევროპულ ქვეყანაში, როცა მგზავრი ჯდება ტაქსში, იქვე არის წარმოდგენილი სახელი, გვარი, ვინ არის ტაქსის მძღოლი. შესაბამისად, ამას ვერაფერი შეაჩერებს აღუდგება წინ“, - განაცხადა კახა კალაძემ.